ٹو بہ ٹیک سنگھ : شرط لگاکر چوہے مارگولیاں کھانےوالے 2 نوجوان جاں بحق
ٹو بہ ٹیک سنگھ میں شرط لگاکر چوہے مارگولیاں کھانےوالے2نوجوان جاں بحق ہوگئے۔
ڈان نیوز کے مطابق ٹوبہ ٹیک سنگھ کے علاقے رجانہ میں یہ افسوس ناک واقعہ پیش آیا ہے جہاں شرط لگا کر چوہے مارگولیاں کھانے والے 2 نوجوان جاں بحق ہوگئے۔
اہل علاقہ کا کہنا ہے کہ دونوں نوجوانوں نے آپس میں شرط لگائی تھی کہ چوہے مارگولیاں جعلی ہیں، گولیاں کھاتے ہی دونوں نوجوانوں کی حالت غیر ہوگئی اور کچھ ہی دیر میں وہ دم توڑ گئے۔
دریں اثنا نوجوانوں کی ہلاکت کی اطلاع ملتے ہی پولیس موقع پر پہنچ گئی اور تحقیقات کا آغاز کردیا۔
خیال رہے کہ چند روز قبل رحیم یار خان میں زہریلاکھانا کھانے سے 2 بچیاں جاں بحق ہوگئی تھیں،
ڈان نیوز کے مطابق رحیم یارخان میں یہ افسوسناک واقعہ پیش آیا تھا، جاں بحق بچیوں کے والدین نے بتایا تھا کہ بچوں نےگھر میں پکا کھانا کھایا تھا جس کے بعد ان کی حالت غیر ہوگئی تھی۔
حالت خراب ہونے پر بچوں کو فوری طور پر ڈاکٹرشیخ زید ہسپتال منتقل کیا گیا تھا، جہاں دو بچیاں جاں بحق ہوگئیں جبکہ ایک بچےکی حالت تشویشناک تھی
ہسپتال ذرائع کے مطابق جاں بحق بچیوں میں 3 سالہ ادن فاطمہ اور ایک سالہ عنایہ شامل تھیں۔
لائیو ٹی وی