21 ممالک نے اسرائیل کے مغربی کنارے میں آبادکاری کے منصوبے کو ناقابل قبول قرار دے دیا
برطانیہ اور فرانس سمیت 21 ممالک نے مغربی کنارے میں آبادکاری کے بڑے منصوبے کی منظوری پر اسرائیل کی شدید مذمت کرتے ہوئے اسے ناقابل قبول اور عالمی قوانین کی خلاف ورزی قرار دے دیا۔
عالمی خبر رساں ادارے اے ایف پی کی رپورٹ کے مطابق آج برطانیہ اور فرانس سمیت 21 ممالک نے ایک مشترکہ بیان پر دستخط کیے جس میں اسرائیل کی مغربی کنارے میں ایک بڑے آبادکاری منصوبے کی منظوری کو ’ ناقابل قبول اور بین الاقوامی قانون کی خلاف ورزی’ قرار دیا گیا۔
مشترکہ بیان میں کہا گیا کہ’ ہم اس فیصلے کی مذمت کرتے ہیں اور پرزور الفاظ میں اسے فوری ختم کرنے کا مطالبہ کرتے ہیں۔’
خیال رہے کہ یہ بیان یروشلم کے قریب نام نہاد ای ون (E1) علاقے کے منصوبے سے متعلق تھا۔
مذمتی بیان پر دستخط کرنے والے دیگر ممالک میں آسٹریلیا، کینیڈا اور اٹلی بھی شامل ہیں۔
خیال رہے کہ گزشتہ روز اسرائیل نے فلسطینی ریاست کے تصور کو ’مٹانے‘ کے لیے مغربی کنارے میں انتہائی متنازع اور غیر قانونی بستی کے قیام کے منصوبے کی حتمی منظوری دی تھی۔
غیر ملکی خبررساں ادارے ’رائٹرز‘ کے مطابق اسرائیلی وزیر خزانہ بیزلیل سموٹرج کے بیان کے مطابق صہیونی ریاست نے بدھ کے روز اس زمین پر جسے فلسطینی اپنی ریاست کی طور پر دیکھتے ہیں، متنازع بستیوں بنانے کے منصوبے کی حتمی منظوری دے دی۔
’ای ون‘ منصوبہ مقبوضہ مغربی کنارے کو دو حصوں میں تقسیم کردے گا اور اسے مشرقی بیت المقدس سے الگ کر دے گا جس کا اعلان گزشتہ ہفتے اسرائیلی وزیر خزانہ نے کیا تھا اور بدھ کو وزارتِ دفاع کی منصوبہ بندی کمیشن نے اس کی باضابطہ توثیق کر دی۔
لائیو ٹی وی