بالی وڈ اداکار رنبیر کپور۔- فائل فوٹو

ممبئی: بالی وڈ اداکار رنبیر کپور اپنی تمام تر کوشش کے باوجود سموکنگ سے جان نہیں چھڑا پا رہے ہیں۔

رنبیر  نے اپنے انٹرویو میں یہ بات کہی کہ انہوں نے کئی مرتبہ سموکنگ چھوڑنے کی کوشش کی اور فیصلہ کیا کہ وہ آئندہ سگریٹ نہیں پیئیں گے لیکن اپنے فیصلے پر قائم نہ رہ سکے۔

انہوں  نے کہا کہ انہیں فٹ بال کھیلنے کا بے حد شوق ہے اور اسی کھیل کی خاطر وہ سگریٹ پینا چھوڑنا چاہتے ہیں لیکن وہ ایسا کر نہیں پا رہے اور اسی وجہ سے اس کھیل کے لئے رنبیر مکمل طور پر فٹ نہیں ہیں ۔

اداکار نے بتایا کہ وہ 30 سال کے ہوگئے ہیں اور سمجھتے ہیں کہ سموکنگ کے بارے میں ان کی برداشت کی کمزوری واضح  ہے تاہم رنبیر نے کہا کہ انہیں یقین ہے کہ وہ ایک نہ ایک دن اس سے جان چھڑا ہی لیں گے۔

اداکار نے کہا 'میں ہر سال وعدہ کرتا ہوں کہ اپنی اگلی سالگرہ پر سگریٹ چھوڑ دوں گا اور اب لگتا ہے کہ ڈاکٹر ہی ایک روز کہے گا کہ بس اب تم کو چھوڑنا ہی پڑے گا تو شاید میں چھوڑ دوں'۔