تہران: ایران کے نیو کلیئر پاور پلانٹ کے قریب خلیج کے ساحل پر 5.7 شدت کے زلزلے سے سات افراد ہلاک اور تقریبا تیس زخمی ہو گئے۔

سرکاری نیوز ایجینسی آئی آر این اے نے ہنگامی اقدامات کے سربراہ حسن قادامی کے حوالے سے بتایا کہ اب تک سات افراد ہلاک ہوئے ہیں جبکہ تیس زخمیوں کا ہسپتال میں علاج کیا جا رہا ہے۔

زلزلے کا مرکز برازجان تھا جو بوشہر سے ساٹھ کلو میٹر کے فاصلے پر واقع ہے جہاں ایران کا روس کا تعمیر کردہ ری ایکٹر واقع ہے۔

دسمبر دو ہزار تین میں ایران کے جنوبی شہر بم میں ایک بڑے پیمانے پر زلزلے کے نتیجے میں تقریبا 26,000 افراد ہلاک ہو گئے تھے۔

خلیج میں ایران کے عرب پڑوسیوں نے اکثر کسی بڑے زلزلے کی صورت میں بو شہر پلانٹ سے تابکار لیک کے خطرات پر اپنی تشویش کا اظہار کیا ہے.

لیکن ایران اور روس کا اصرار ہے کہ ان کا یہ پلانٹ بین الاقوامی معیار کے مطابق ہے۔