ریتھک روشن کا بیوی سے علیحدگی کا فیصلہ
نامور ہندوستانی اداکار ریتھک روشن اور ان کی اہلیہ سوزین روشن کی 13 سالہ شادی اختلافات کے بعد بالآخر اختتام کی جانب گامزن ہے اور دونوں نے علیحدی کا فیصلہ کر لیا ہے۔
خبر رساں ادارے ہندوستانی ٹائمز کے مطابق ایک بیان میں ریتھک نے میڈیا سے ان کی پرائیویسی کا احترام کرنے کی درخواست کی ہے۔
واضح رہے کہ بالی وڈ اداکار نے 2000 میں سوزین سے چار سالہ دوستی کو رشتے داری میں تبدیل کرنے کا فیصلہ کیا تھا، ان دونوں کے دو بیٹے ہیں جن میں ہری ہرن کی عمر سات سال جبکہ ہری دھان پانچ سال کے ہیں۔
انہوں نے کہا کہ سوزین نے 17 سالہ رشتے کے خاتمے اور علیحدگی کا فیصلہ کیا ہے، یہ دونوں ہی خاندانوں کے لیے انتہائی کڑا وقت ہے اور میں میڈیا اور لوگوں سے درخواست کرتا ہوں کہ وہ اس وقت ہماری پرائیویسی کا احترام کرے۔
ریتھک کا کہنا تھا کہ میں نہیں چاہتا ہ اس خبر سے میرے فینز اور عوام کا شادی پر سے یقین ختم ہو جائے، میرا شادی پر پورا یقین ہے اور میں اس رشتے کی دل کی گہرائیوں سے قدر اور احترام کرتا ہوں۔
واضح رہے کہ اس جوڑے میں گزشتہ کچھ سالوں سے تعلقات کشیدہ چل رہے تھے اور علیحدگی کی خبریں زیر گردش تھیں۔
گزشتہ ماہ ریتھک علاج کے لیے بیرون ملک چلے گئے جہاں کرش تھری کے اسٹار عرصے سے شدید سر درد کا شکار تھے جبکہ رواں سال جولائی میں انہوں نے ہندوجا اسپتال میں دماغ کی سرجری بھی کرائی تھی۔
سوزین خان بالی وڈ ڈائریکٹر اور اداکار سنجے خان کی بیٹی ہیں۔
لائیو ٹی وی