صحتغذ١کاروبارموبائل فون‎حیرت انگیزغزہ المیہ

مست گل ہمارے رکن نہیں رہے: حزب المجاہدین

ڈان اخبار 26 فروری 2014
اس تصویر میں مست گل مفتی حسان سواتی کے ساتھ بائیں جانب موجود ہیں—فائل فوٹو۔
اس تصویر میں مست گل مفتی حسان سواتی کے ساتھ بائیں جانب موجود ہیں—فائل فوٹو۔

مظفرآباد: ہندوستان کے زیرانتظام جموں کشمیر کی ایک بڑے جنگجو گروپ حزب المجاہدین نے گزشتہ روز منگل کو پاکستان کے قبائلی علاقوں کے موجود ایک شدت پسند کمانڈر کے ساتھ اپنے روابط کے حوالے سے میڈیا رپورٹ کی مذمت کرتے ہوئے اسے گروپ کی ساکھ خراب کرنے کی ایک کوشش قرار دیا۔

میجر مست گل، اور الیاس ہارون خان کے حوالے سے گزشتہ روز گروپ کی جانب سے جاری ہونے والے ایک مختصر بیان میں کہا گیا کہ ' پاکستان میں ہونے والے بم دھماکے کی ذمہ داری کو حزب المجاہدین کے ساتھ منسلک کرکے ہماری ساکھ کو نقصان پہنچانے کی کوشش کی گئی جو ایک ایک پریشان کن اور تکلیف دہ فعل ہے'۔

اس سے قبل ایک بیان میں گروپ نے مست گل کے نام کا ذکر کیا تھا جو 2001ء سے پہلے حزب المجاہدین سے علیحدہ ہوگیا تھا، تاہم بعد میں جاری ہونے والے ایک بیان میں ان کا نام نہیں لیا گیا۔

خیال رہے کہ میڈیا کے ایک حلقے میں مست گل کو اس وقت حزب المجاہدین کا کمانڈر ظاہر کیا گیا تھا جب گزشتہ مہینے میران شاہ میں انہوں نے خود کو نئے سرے سے منظم کیا تھا۔

ہندوستانی کشمیر کے جنگجو گروپ نے یہ واضح کیا کہ وہ پاکستان کے اندر کسی بھی شدت پسند سرگرمی کی مذمت کرتے ہیں اور اس کو اسلام کے خلاف خیال کرتے ہیں۔

بیان میں کہا گیا کہ حزب المجاہدین ہندوستان کے زیرانتظام جموں و کشمیر کا ایک مقامی جنگجو گروپ ہے اور یہ بھی ایک حقیقی بات ہے کہ کشمیریوں کو پاکستان اپنی جان سے زیادہ عزیز رہا ہے۔

بیان کے مطابق حزب المجاہدین کی قیادت اور ہندوستان کی قابض فورسز سے لڑنے والے ان کے مجاہدین اور ان کی مزاحمتی تحریک صرف جموں کشمیر تک محدود ہے۔

گروپ نے پاکستانی حکومت اور یہاں کے عوام کو کشمیری جدوجہد میں اپنی اخلاقی، سفارتی اور سیاسی حمایت پر سلام پیش کیا۔

'کشمیری عوام اور یہاں کے جنگجو پاکستانی عوام کی حفاظت اور ان کے ملک میں استحکام کی دعا کرتے ہیں۔'

hizbul mujahideen

زیادہ پڑھی جانے والی خبریں

گزشتہ 24 گھنٹوں کے دوران

ڈان نیوز پاکستان

تازہ ترین

ضرور پڑھیں

ویڈیوز

کالمز / بلاگ

تبصرے (4) بند ہیں

Israr Muhammad Feb 26, 2014 10:44pm
میجر‏ ‏مست‏ ‏گل‏ ‏کا‏ ‏تعلق‏ ‏کس‏ ‏تنظیم‏ ‏ھے‏ ‏سب‏ ‏کو‏ ‏معلوم‏ ‏ھے‏ ‏اس‏ ‏چپھانے‏ ‏کیکوئی‏ ‏بات‏ ‏نہیں‏ ‏ انہوں‏ ‏نے‏ ‏کوہاٹ‏ ‏اور‏ ‏پشاور‏ ‏حملوں‏ ‏کی‏ ‏زمہ‏ ‏داری‏ ‏قبول‏ ‏کی‏ ‏ھے‏ ‏مست‏ ‏گل‏ ‏کا‏ ‏تعلق‏ ‏جس‏ ‏پارٹی‏ ‏سے‏ ‏ھے‏ ‏ان‏ ‏کو‏ ‏وضاحت‏ ‏کی‏ ‏ضرورت‏ ‏ھے‏ ‏میجر‏ ‏گل‏ ‏چرار‏ ‏شریف‏ ‏والا‏ ‏ھے‏ ‏اور‏ ‏90‏ ‏ء‏ ‏کے‏ ‏دوران‏‏ ‏پاکستان‏ ‏کے‏ ‏اندر ‏جلسوں‏ ‏میں‏ ‏بھی‏ ‏شرکت‏ ‏کرتا‏ ‏رہتا‏ ‏
Kamran Feb 27, 2014 06:16am
This criminal and murder is a hero for JI and JUI and all other mullahs. All such elements must be condemned and be tried in a court of law. They are enemies of state and murders of thousands of innocent people.
Syed Feb 28, 2014 05:44am
پاکستان سے تمام دہشتگرد لشکروں، سپاہوں اور طالبانِ خون کا قلع قمع کرنا وقت کی فوری ضرورت ہے۔ ساتھ ہی اتحادِ امت کے ذریعے اِن تکفیریوں کے ہمدردوں، خیرخواہوں اور سیاسی ونگز کو نتھ ڈالنا بھی انتہائی ضروری ہو گیا ہے خواہ اُن کا تعلق کسی غیر منور کی جماعتِ 'اسلامی' سے ہو یا طالبان خان کی 'غیر منصفانہ' تحریک سے ہو یا پھر بابائے خوارج کی جمعیت علمائے 'اسلام' سے ہی کیوں نہ ہو ۔۔۔۔۔۔۔ بے لگام عناصر بشمول علمائے سُو کو لگام ڈالنی ہی پڑے گی طالبان کی سرپرستی اور حمایت کو ریاست کے خلاف ایک سنگین جرم قرار دیا جائے،اور پھر جو لوگ اس جرم کے مرتکب ہوں ان سے آہنی ہاتھوں کے ساتھ نمٹا جائے۔ ملک سے انتہاپسندی، نام نہاد فرقہ واریت اور اور دہشت گردی کے مکمل خاتمے کے لیے سخت ترین سزا کا دیا جانا بھی وقت کی اولیں ضرورت ہے۔
kamran Mar 01, 2014 02:14am
@Syed: Baht khub kaha mere bhai. This is exactly what needs to be done immediately.