بلوچستان کے فیصلے اسلام آباد کی بجائے کوئٹہ میں ہورہے ہیں، ڈاکٹر بلوچ
کوئٹہ: بلوچستان کے وزیرِ اعلیٰ ، ڈاکٹرعبدالمالک بلوچ نے اس تاثر کی نفی کی ہے کہ بلوچستان کے فیصلے اسلام آباد میں ہورہے ہیں۔
جمعرات کے روز نومنتخب گورنربلوچستان، محمود خان اچکزئی کی تقریبِ حلف برداری کے بعد میڈیا نمائیندوں سے گفتگو کرتے ہوئے انہوں نے کہا کہ (صوبے میں) تین جماعتی اتحاد صوبے میں امن و امان قائم کرنے کیلئے پُرعزم ہے۔
گورنر بلوچستان سے بلوچستان ہائی کورٹ کے چیف جسٹس ، جسٹس قاضی فیض عیسیٰ نے حلف لیا۔
' ہم تبدیلی کیلئے آئے ہیں اور اسے کرکے دکھائیں گے،' انہوں نے کہا۔ انہوں نے کہا کہ صوبے کیلئے تین جماعتی اتحاد کوئٹہ میں بیٹھ کر فیصلے کررہا ہے ناکہ اسلام آباد۔
جب ان سے کابینہ میں تاخیر کے بارے میں پوچھا گیا تو ڈاکٹر مالک بلوچ نے کہا کہ اگلے چند دنوں میں صوبائی کابینہ تشکیل دیدی جائے گی۔
گورنر کی تعینیاتی کے بارے میں انہوں نے کہا کہ یہ پشتونوں کا ایک دیرینہ مطالبہ تھا جو اب محمد خان اچکزئی کے گورنر بننے سے پورا ہوگیا ہے۔
لائیو ٹی وی