'فوجی قیادت پرالطاف حسین کے بیانات برداشت نہیں'

اپ ڈیٹ 01 مئ 2015
پاک فوج کے محکمہ تعلقات عامہ کے ڈائریکٹر جنرل میجرجنرل عاصم باجوہ — فائل فوٹو
پاک فوج کے محکمہ تعلقات عامہ کے ڈائریکٹر جنرل میجرجنرل عاصم باجوہ — فائل فوٹو

پاک فوج کے ترجمان نے متحدہ قومی موومنٹ کے سربراہ الطاف حسین کے فوجی قیادت کے حوالے سے دیئے جانے والے بیانات کی شدید الفاظ میں مذمت کرتے ہوئے کہا ہے کہ ایم کیو ایم کے سربراہ کا فوج کے حوالے سے بیان بے ہودہ ہے اور اس طرح کے بیانات برداشت نہیں کیےجائیں گے۔

خیال رہے کہ جمعرات اور جمعہ کی درمیانی شب ایم کیو ایم کے سربراہ الطاف حسین نے پارٹی کے کارکنوں سے ٹیلی فونک خطاب کے دوران پاک فوج کی قیادت کو تنقید کا نشانہ بنایا تھا۔

مزید پڑھیں: مظالم نہ روکےگئےتوملک کوناقابل تلافی نقصان ہوگا،الطاف حسین

پاک فوج کے محکمہ تعلقات عامہ کے ڈائریکٹر جنرل میجرجنرل عاصم باجوہ نے اپنے ٹوئٹر پیغام میں کہا ہے کہ فوج سےمتعلق الطاف حسین کابیان بےہودہ اورغیرضروری ہے اور اس طرح کے بیانات برداشت نہیں کیے جائیں گے۔

آئی ایس پی آر کے میجر جنرل نے کہا کہ عوام کےجذبات بھڑکانے کیلیے میڈیا کا سہارا لیا گیا ہے اور میڈیا پر پاکستانی عوامی کو ریاست کے خلاف اکسانے پر قانونی چارہ و جوئی کی جائے گی۔

ترجمان کا کہنا ہے کہ پاک فوج اور دیگر قانون نافز کرنے والے اداروں کی جانب سے سیاسی جماعتوں میں موجود مجرموں کی گرفتاری پراس طرح کارد عمل ناقابل برداشت ہے۔

عاصم باجوہ کا کہنا ہے کہ پاک فوج اور قانون نافذ کرنے والےادارے دہشت گردی کے خلاف اپنا ہدف پورا کریں گے۔

ضرور پڑھیں

وزیراعظم کا انتخاب کس طرح ہوتا ہے؟

وزیراعظم کا انتخاب کس طرح ہوتا ہے؟

وزارت عظمیٰ کے لیے اگر کوئی بھی امیدوار ووٹ کی مطلوبہ تعداد حاصل کرنے میں ناکام رہا تو ایوان زیریں کی تمام کارروائی دوبارہ سے شروع کی جائے گی۔

تبصرے (2) بند ہیں

Em Moosa May 01, 2015 08:03am
Aap hi apni adaaon per zara ghor karen hum arz karte hain to shikayet hoti hai.
Ahmed May 01, 2015 05:01pm
How Asim Bajwa can use the word Mujrim for arrested people until they are not declared guilty in a legal court? What a state where a low rank police officer distributes the certificates of treason and loyalty and an army officer declared an accused guilty with out a trial.