بولی وڈ دبنگ اداکارہ سوناکشی سنہا اپنی آنے والی فلم میں مشہور گینگسٹر داؤد ابراہیم کی بہن حسینہ کا کردار ادا کرنے کے لیے بے تاب ہیں۔

سوناکشی سنہا کو حال ہی میں اپوروا لاکھیا کی فلم ’حسینہ دی کوئین آف ممبئی‘ میں داؤد ابراہیم کی بہن کا کردار کرنے کی آفر ملی جسے سوناکشی نے قبول کرلیا۔

سوناکشی نے ٹوئٹر پر اس فلم کے حوالے سے ٹویٹ بھی کی۔

ٹائمز آف انڈیا کی ایک رپورٹ کے مطابق سوناکشی ایک گینگسٹر کے کردار میں نظر آئیں گی جو اپنے شوہر اسمعیل پارکر کی موت کے بعد جرائم کی دنیا پر حکمرانی کرتی ہے۔

سوناکشی پہلی مرتبہ اس قسم کا کوئی کردار ادا کریں گی اس سے قبل انہوں نے فلم ’ونس اپون آ ٹائم ان ممبئی دوبارہ‘ میں ایک گینگسٹر کی محبوبہ کا کردار ادا کیا تھا۔

اس فلم کی شوٹنگ کا آغاز 2016 کے شروع میں متوقع ہے۔