• KHI: Maghrib 7:24pm Isha 8:52pm
  • LHR: Maghrib 7:09pm Isha 8:46pm
  • ISB: Maghrib 7:20pm Isha 9:00pm
  • KHI: Maghrib 7:24pm Isha 8:52pm
  • LHR: Maghrib 7:09pm Isha 8:46pm
  • ISB: Maghrib 7:20pm Isha 9:00pm

سرتاج حریت رہنماؤں سے ملاقات نہ کریں: ہندوستان

شائع August 21, 2015
فائل فوٹو
فائل فوٹو

نئی دہلی: ہندوستان نے پاکستان کے مشیر برائے اُمور خارجہ و قومی سلامتی سرتاج عزیز کو ایک بار پھر تجویز دی ہے کہ وہ کشمیر کے حریت پسند رہنماؤں سے ملاقات نہ کریں۔

مزید پڑھیں : سرتاج عزیز 23 اگست کو ہندوستان جائیں گے

ہندوستانی وزارت خارجہ کے ترجمان وکاس سوارپ نے ٹوئٹر پر اپنے پیغام میں کہا گیا ہے کہ ہندوستان نے پاکستان کو یہ تجویز دی تھی کہ یہ مناسب نہیں ہوگا کہ سرتاج عزیز حریت رہنماؤں سے ہندوستان میں ملاقات کریں۔

وکاس سوارپ کا مزید کہنا تھا کہ ایسی کوئی بھی ملاقات اوفا معاہدے کے تحت دہشت گردی کے خلاف اقدامات کی مشترکہ کوششوں کو متاثر کرے گی۔

یہ بھی پڑھیں : 'حریت رہنماؤں کو دعوت ہندوستان کو غصہ دلانے کی کوشش'

خیال رہے کہ وزیراعظم نواز شریف اور ہندوستانی وزیراعظم نریندرا مودی کے مابین رواں برس جولائی میں روس کے شہر اوفا میں ہونے والی ملاقات میں دہشتگردی سے متعلق معاملات پر بات چیت کے لیے دونوں ممالک کے نیشنل سیکیورٹی ایڈوائزروں کی ملاقات پر اتفاق کیا گیا تھا۔

مزید پڑھیں : ہندوستان سے مذاکرات کا ایجنڈا طے

ہندوستانی وزارت خارجہ کے ترجمان نے یہ بھی کہا کہ نیشنل سیکیورٹی ایڈوائزرز کی ملاقات کا مجوزہ ایجنڈا پاکستان کو 18 اگست کو ہی ارسال کیا جا چکا ہے۔

خیال رہے کہ دو دن بعد 23 اگست کو دہلی میں پاکستان کے نیشنل سیکیورٹی ایڈوائزر سرتاج عزیز اور ہندوستان کے سیکیورٹی ایڈوائزر کے درمیان ملاقات طے ہے۔

دہلی میں پاکستان کے ہائی کمشنر عبد الباسط نے 23 اگست کو ہی کشمیر کے حریت رہنماؤں کو ملاقات کے لیے مدعو کیا ہے۔

یہ بھی پڑھیں : پاکستانی حکام سے ملاقات،حریت رہنما نظر بند

حریت رہنماؤں کو ملاقات سے روکنے کے لیے گزشتہ روز بعض حریت رہنماؤں کو حراست میں لیا گیا جبکہ کئی رہنماؤں کو نظر بند کر دیا گیا تھا۔

تاہم بعد ازاں آل پارٹیز حریت کانفرنس (اے پی ایچ سی) کے چیئرمین سید علی گیلانی اور میر واعظ عمر فاروق کی نظر بندی کو ختم کر دیا گیا تھا۔

تبصرے (1) بند ہیں

Ms Libra Aug 21, 2015 02:06pm
Who d hell is India to advice Pakistan...Pakistan is our homeland, we are independent and authoritative.... we will decide what to do or what not to do.. Dear India/ Vikas sawarpi You just take care of your spy Pigeons and abusing Parrots, leave rest to us.. hahaha

کارٹون

کارٹون : 11 جولائی 2024
کارٹون : 10 جولائی 2024