پریتی زنٹا میڈیا پر غصہ
بولی وڈ اداکارہ پریتی زنٹا خود کو اور ساتھی اداکارہ رانی مکھرجی کو 1990 کی دہائی کی اداکارائیں قرار دینے پر میڈیا پر غصہ ہوگئیں۔
بولی وڈ لائف کے مطابق کچھ دن قبل پریتی زنٹا نے سوشل میڈیا پر اپنی اور رانی مکھرجی کی ایک سیلفی مداحوں کے ساتھ شئیر کی۔
یہ سیلفی بولی وڈ اداکار امیتابھ بچن کے گھر ہونے والی دیوالی کی تقریب کے دوران پریتی نے لی تھی جس میں دونوں اداکارائیں نہایت خوبصورت نظر آرہی ہیں۔
اس سیلفی پر میڈیا کا کہنا تھا کہ رانی مکھرجی اور پریتی زنٹا دونوں 90 کی دہائی کی اداکارائیں ہیں۔
اس کے رد عمل میں پریتی کا کہنا تھا کہ ناجانے سب انہیں اور رانی کو 90 کی دہائی کی اداکارائیں کیوں کہہ رہے ہیں جبکہ انہوں نے زیادہ تر فلمیں 2000 کے بعد ایک ساتھ کی ہیں۔
ان کا مزید کہنا تھا کہ میڈیا کو شاید دہائیوں کا بھی صحیح اندازہ نہیں ہے۔
پریتی زنٹا اس وقت سنی دیول کے ساتھ فلم ’بھیاجی‘ سپر ہٹ میں کام کر رہی ہیں جبکہ رانی مکھرجی اپنی شادی شدہ زندگی میں مصروف ہیں۔
لائیو ٹی وی