شرمین عبید کے اقدامات قابل ستائش ہیں،وزیر اعظم

اپ ڈیٹ 22 فروری 2016
ڈان نیوز اسکرین گریب
ڈان نیوز اسکرین گریب
شرمین عبید چنائے — ڈان نیوز اسکرین گریب
شرمین عبید چنائے — ڈان نیوز اسکرین گریب
وزیراعظم نواز شریف — ڈان نیوز اسکرین گریب
وزیراعظم نواز شریف — ڈان نیوز اسکرین گریب
ڈان نیوز اسکرین گریب
ڈان نیوز اسکرین گریب
ڈان نیوز اسکرین گریب
ڈان نیوز اسکرین گریب

وزیر اعظم نواز شریف نے پاکستان کی پہلی آسکر ایوارڈ یافتہ فلم ساز شرمین عبید چنائے کو سراہتے ہوئے کہا کہ انہیں فخر ہے کہ پاکستان کی بیٹی نے فلم سازی کے میدان میں نمایاں اعزاز حاصل کیا ہے.

وزیراعظم ہاؤس اسلام آباد میں معروف فلم ساز شرمین عبید چنائے کی آسکر ایوارڈز کے لیے نامزد دستاویزی فلم ' اے گرل ان دی ریور: دی پرائس آف فورگیونس' کی اسکریننگ کے موقع پر وزیراعظم کا کہنا تھا کہ دستاویزی فلم کی رونمائی غیرت کے نام پر قتل کے مسئلے کے حل کے لیے حکومتی عزم کی عکاس ہے۔

نواز شریف نے تقریب سے خطاب کرتے ہوئے کہا کہ شرمین عبید کے اقدامات قابل ستائش ہیں اور انہیں فخر ہے کہ پاکستان کی بیٹی نے فلم سازی کے میدان میں نمایاں اعزاز حاصل کیا ہے۔

مزید پڑھیں: شرمین عبید کی فلم کی وزیراعظم ہاؤس میں اسکریننگ

خیال رہے کہ پاکستان میں ہر سال عزت کے نام پر ایک ہزار سے زائد خواتین کو نشانہ بنایا جاتا ہے، جن میں سے بیشتر کو خاندان کے افراد کی جانب سے موت کے گھاٹ اتار دیا جاتا یے.

اس حوالے سے وزیر اعظم کا کہنا تھا اسلام عورتوں کے حقوق پر خصوصی توجہ کا درس دیتا ہے اور پاکستان میں عورتیں مردوں کے شانہ بشانہ کام کرتی ہیں۔

یہ بھی پڑھیں: شرمین عبید چنائے کی ڈاکومینٹری آسکر کے لیے نامزد

واضح رہے کہ ' اے گرل ان دی ریور : دی پرائس آف فورگیونس' شرمین عبید چنائے فلمز اور ہوم باکس آفس (ایچ بی او) کی مشترکہ پروڈکشن ہے، جس میں ایک 18 سالہ لڑکی کی زندگی کا احوال بیان کیا گیا جو عزت کے نام پر قتل کی کوشش میں بچ جاتی ہے۔

اس فلم کو 88 ویں آسکر ایوارڈز کی ' بیسٹ شارٹ ڈاکو مینٹری' کی کیٹیگری کے لیے نامزد کیا گیا ہے.

فلم سے لیا گیا ایک اسٹل
فلم سے لیا گیا ایک اسٹل

وزیراعظم ہاؤس میں فلم کی اسکریننگ پر خوشی کا اظہار کرتے ہوئے شرمین عبید چنائے نے وزیراعظم نواز شریف کا شکریہ ادا کیا.

یہ بھی پڑھیں: غیرت کے نام پرقتل کے خلاف شرمین عبید کی مہم

ان کا مزید کہنا تھا کہ معاشرے میں سچ بولنا نہایت مشکل کام ہے لیکن ان کے والد نے انہیں ہمیشہ سچ بولنا سکھایا ہے۔

شرمین نے اس موقع پر اس امید کا بھی اظہار کیا کہ ملک میں آئندہ کوئی بیٹی غیرت کی بھینٹ نہیں چڑھے گی۔


آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں.

ضرور پڑھیں

تبصرے (1) بند ہیں

Israr Muhammad Khan Yousafzai of Shewa Feb 23, 2016 01:17am
غیرت کے نام پر قتل ایک انسانیت سوز کام ھے ھم اسکی مزمت کرتے ھیں حکومت کو اس حوالے سے قانون سازی کے شعور کی بیداری کی مہم چلانی ھوگی ھم چنائے صاحبہ کی مہم سے اختلاف کرتے ھیں کیونکہ انکی اسی ڈاکومنٹری سے ملک کی بدنامی ھوتی ھے پاکستان پہلے ہی دھشتگردی اور منشیات وغیرہ کے حوالے سے بہت مشہور اور بدنام ھوچکا ھے چنائے صاحبہ کو ملکی سطح پر مہم چلانے کی ضرورت ھے