وسیم سلور فلائی ویٹ ٹائٹل کے دفاع میں کامیاب
اپ ڈیٹ 27 نومبر 2016
پاکستانی باکسر محمد وسیم نے فلپائن کے گیمل میگرامو کو شکست دے کر ورلڈ باکسنگ کونسل کے سلور فلائی ویٹ ٹائٹل کا کامیابی سے دفاع کر لیا۔
جنوبی کوریا کے شہر سیول میں ہونے والی فائٹ میں دونوں باکسرز کے درمیان سخت مقابلہ ہوا جبکہ 12 راؤنڈ تک جاری رہنے والے مقابلے کے بعد وسیم نے محض ایک پوائنٹ کے فرق سے فتح حاصل کی۔
یہ محمد وسیم کے پروفیشنل کیرئیر کی پانچویں فائٹ تھی اور وہ اب تک ناقابل شکست ہیں۔
ان کے حریف گلیمل میگرامو اس سے قبل سترہ فائٹس جیت چکے تھے یہ ان کی 18ویں فائٹ تھی جس میں بالآخر انہیں ناکامی کا منہ دیکھنا پڑا۔
'فیلکن خان' کے نام سے مشہور کوئٹہ سے تعلق رکھنے والے باکسر کی اس شاندار کامیابی کے بعد عالمی رینکنگ میں مزید بہتری آئے گی اور وہ اب بڑے باکسرز کو چلینج کرنے کا بھی ارادہ رکھتے ہیں۔
تبصرے (0) بند ہیں