کرسٹیانو رونالڈو کے گھر جڑواں بچوں کی آمد
پرتگال سے تعلق رکھنے والے معروف اور کامیاب فوٹبالر کرسٹیانو رونالڈو کے ہاں سروگیسی عمل (کرائے کی کوکھ) کی مدد سے دو جڑواں بچوں ایک بیٹا اور بیٹی کی پیدائش ہوئی ہے۔
کرسٹیانو رونالڈو کا ایک اور بیٹا بھی ہے جس کی پیدائش کا اعلان فٹ بالر نے 2010 میں کیا تھا، اس کا نام انہوں نے کرسٹیانو رونالڈو جونیئر رکھا۔
کرسٹیانو رونالڈو کے جڑواں بچوں کا نام ایوا اور میتیو رکھا گیا ہے جن کے ہمراہ انہوں نے فیس بک پر ایک تصویر بھی شیئر کی۔
دلچسپ بات یہ ہے کہ ان جڑواں بچوں کی پیدائش رواں ماہ کے آغاز میں ہوئی تھی تاہم اپنی نیشنل ٹیم کے درمیان جاری میچ کی وجہ سے انہیں پرتگال چھوڑنے کی اجازت نہیں تھی، جس کے باعث وہ تقریباً ایک ماہ بعد اپنے بچوں سے ملاقات کرنے امریکا پہنچے۔
اس بات کا اعلان انہوں نے اپنے فیس بک پیج پر کیا تھا۔
خیال رہے کہ اس سے قبل بولی وڈ اداکار شاہ رخ خان اور ہدایت کار کرن جوہر بھی سروگیسی عمل (کرائے کی کوکھ) کی مدد لے چکے ہیں۔
لائیو ٹی وی