کیا واقعی مومنہ مستحسن صرف ’آفریں آفریں‘ سے مشہور ہوئیں؟

10 ستمبر 2017
لوگ سوچتے ہیں میں ایک رات میں مشہور ہوئی، گلوکارہ—فوٹو: انسٹاگرام
لوگ سوچتے ہیں میں ایک رات میں مشہور ہوئی، گلوکارہ—فوٹو: انسٹاگرام

ویسے تو نوجوان پاپ گلوکارہ مومنہ مستحسن کوک اسٹوڈیو کے دسویں سیزن کا بھی حصہ ہیں، لیکن حقیقی معنوں میں لوگ ان سے کوک اسٹوڈیو کے نویں سیزن سے باخبر ہوئے تھے۔

گلوکار راحت فتح علی خان کے ساتھ ’آفریں آفریں‘ گانے کے بعد لوگوں کی توجہ کا مرکز بننے والی مومنہ مستحسن نے اپنی کامیابی، اپنے مسائل اور مشکلات کے بارے میں پہلی بار کھل کر بات کی ہے۔

انسٹاگرام پر شیئر کیے گئے یکے بعد دیگرے ویڈیوز میں مومنہ مستحسن نے انکشاف کیا کہ وہ کئی عرصے تک ’ڈپریشن‘ اور ’ بے چینی‘ جیسے مسائل کا سامنا کیا، لیکن لوگ سوچتے ہیں کہ وہ راتوں رات مشہور ہوگئی۔

مومنہ مستحسن نے ویڈیو میں واضح کیا کہ ان کا نام سنتے ہی لوگوں کے تاثرات بدل جاتے ہیں، اور وہ فورا یہ سمجھ لیتے ہیں کہ مومنہ مستحسن ’آفریں آفریں‘ سے مشہور ہوئی۔

انہوں نے بتایا کہ ہر انسان کی طرح ان کی زندگی میں بھی مسائل آئے، اور انہوں نے ان کا بہادری سے ڈٹ کا مقابلہ کیا، اور ذہنی تناؤ، بے چینی، پریشانی اور مایوسی کو ختم کرکے ہی سکون کا سانس لیا۔

ویڈیو میں وہ بتاتی ہیں کہ مسلسل دن رات کی محنت اور لگن سے وہ اپنا مقام حاصل کرنے میں کامیاب گئیں، لیکن ان کی زندگی میں ایک ایسا وقت بھی تھا جب وہ خود کو آئینے میں دیکھنے سے بھی گھبراتی تھیں۔

خوبرو گلوکارہ نے بتایا کہ انہیں مسائل سے نکلنے میں ’فورچون کوکی‘ نامی کتاب نے مدد کی، لیکن وہ کتاب اس وقت ہی مددگار ثابت ہوتی ہے، جب آپ مسائل کو حل کرنا چاہیں۔

مومنہ مستحسن نے اپنی ویڈیوز میں واضح طور پر یہ نہیں بتایا کہ وہ کس وجہ سے ’ڈپریشن‘ یا ’ پریشانی‘ کا شکار تھیں۔

Part 3: The side you don't see. #DepressionIsReal #ItOnlyGetsBetterWhenYouGetBetter #LoveYourself

A post shared by Momina Mustehsan (@mominamustehsan) on

تاہم ان کی گفتگو سے لگتا ہے کہ ان کا اشارہ لوگوں کے اس رویے یا سوچ کی جانب ہے، جس میں زیادہ تر لوگ یہ کہتے ہیں کہ مومنہ مستحسن کو’آفریں آفریں‘ گانے کی وجہ سے شہرت ملی۔

اس میں کوئی شک نہیں کہ مومنہ مستحسن کوک اسٹوڈیو سیزن 9 میں راحت فتح علی خان کے ساتھ ڈیبیو کرنے سے پہلے بھی گلوکاری کرتی تھیں، تاہم یہ بھی حقیقت ہے کہ لوگوں کے ذہنوں پر ان کا نام ’آفریں آفریں‘ گانے کے بعد گھر کرگیا۔

مومنہ مستحسن کی مسلسل محنت اور کامیابی کی وجہ سے ہی وہ آج کل ملک کی نامور نوجوان گلوکاروں میں شمار ہوتی ہیں، اور ان کے نہ صرف ملک بھر میں بلکہ بیرون ملک بھی مداح ہیں۔

Wait for the end #MachaDeShor 😂😂🙈 #MirchiKoSpriteKar #BreakTheRules

A post shared by Momina Mustehsan (@mominamustehsan) on

ضرور پڑھیں

تبصرے (0) بند ہیں