فوربز 30 انڈر 30 میں 9 پاکستانی بھی شامل

اپ ڈیٹ 27 مارچ 2018
—فوٹو: فوربز/نیوز ون پلس/انڈین ایکسپریس/پروپاکستانی
—فوٹو: فوربز/نیوز ون پلس/انڈین ایکسپریس/پروپاکستانی

معروف امریکی کاروباری جریدے ’فوربز‘ نے اپنی سالانہ ’30 انڈر 30‘ کی ایشیا کی فہرست جاری کردی۔

ایشیا کی جاری کی گئی فہرست میں مجموعی طور پر 300 افراد کے نام شامل ہیں، جن میں 9 پاکستانی بھی اس فہرست میں اپنا نام شامل کروانے میں کامیاب گئے ہیں۔

فوربز کی جانب سے جاری کی گئی فہرست میں پاکستان، ہندوستان، چین، ملائیشیا، انڈونیشیا، فلپائن، سنگاپور، سری لنکا، بنگلہ دیش اور نیپال سمیت ایشیا کے 24 ممالک کے ایسے نوجوانوں کو شامل کیا گیا ہے، جن کی عمر 30 سال سے کم ہے۔

اس بار ایشیا کی فہرست میں 2 ممالک شمالی کوریا اور آذربائیجان کو پہلی بار شامل کیا گیا ہے، اس سے قبل اس فہرست میں 22 ایشیائی ممالک کو شامل کیا گیا تھا۔

رواں برس فوربز کی یہ تیسری فہرست ہے، جریدے نے اس فہرست کا آغاز 2016 میں کیا تھا۔

اس فہرست پر ’30 انڈر 30‘ کا نام اس لیے رکھا گیا ہے، کیوں کہ اس فہرست میں عام طور پر ہر کیٹیگری کے لیے 30 ایسے افراد کو منتخب کیا جاتا ہے، جن کی عمر 30 سال سے کم ہو۔

فوربز کی جانب سے اس فہرست کی ایشیا سمیت تمام خطوں کی الگ الگ جب کہ عالمی سطح پر بھی ایک خصوصی فہرست جاری کی جاتی ہے۔

یہ بھی پڑھیں: فوربز ’30 انڈر 30‘ کی سالانہ فہرست میں 6 نوجوان پاکستانی نمایاں

ایشیا کی تیسری فہرست میں فوربز نے 2018 میں آرٹ، موسیقی، ٹیکنالوجی، کنزیومر ٹیکنالوجی، انٹرٹینمنٹ اینڈ اسپورٹس، ینگیسٹ، میڈیا مارکیٹنگ اور سوشل انٹرپرینر سمیت دیگر مجموعی طور پر 10 کیٹیگریز کے لیے افراد کو منتخب کیا گیا ہے۔

ایشیا کی فہرست میں پاکستانی گلوکارہ مومنہ مستحسن، بھارتی اداکارہ انوشکا شرما، اداکارہ ایملی براؤننگ، نوجوان ترین اداکارہ 14 سالہ سیو ہیون آہن، بھارتی خاتون کرکٹر سمرتی مندھانی اور بھارتی بیڈمنٹن کھلاڑی پی وی سندھو بھی شامل ہیں۔

ایشیا کے 300 افراد میں مجموعی طور پر پاکستان کے 9 افراد شامل ہیں، تاہم 4 افراد کاروبار میں شراکت دار کی حیثیت جب کہ باقی 5 افراد کو انفرادی طور پر ’30 انڈر 30‘ کی فہرست میں شامل کیا گیا ہے۔

خیال رہے کہ 2017 کی ’30 انڈر 30‘ فہرست میں 6 پاکستانیوں کے نام شامل کیے گئے تھے۔

مومنہ مستحسن

25 سالہ مومنہ مستحن کا نام موسیقی کی کیٹیگری میں شامل کیا گیا، ان کا نام اس فہرست میں پہلی بار شامل ہوا ہے۔

محمد اسد رضا اور ابراہیم شاہ

24 سالہ محمد اسد رضا اور ان کے ساتھی ابراہیم شاہ کا نام ہیلتھ کیئر اسٹارٹ اپ کی کیٹیگری میں شامل کیا گیا ہے، انہوں نے نیورو سٹک (Neurostic) نامی آن لائن ہیلتھ کمپنی بنائی۔

محمد شہیر نیازی

17 سالہ محمد شہیر نیازی کی سائنسی و تحقیقاتی خدمات کا اعتراف کرتے ہوئے انہیں ینگیسٹ اور ہیلتھ کیئر اینڈ سائنس کی کیٹیگری کی فہرست میں منتخب کیا گیا۔

سعدیہ بشیر

29 سالہ سعدیہ بشیر کو اںترپرائز ٹیکنالوجی کے شعبے کے لیے منتخب کیا گیا۔

عدنان شفیع اور عدیل شفیع

30 سالہ عدنان شفیع اور 28 سالہ عدیل شفیع کو ریٹیل اینڈ ای کامرس کی کیٹیگری کے لیے منتخب کیا گیا۔

۔
۔

حمزہ فرخ

24 سالہ حمزہ فرخ کو سوشل انٹرپرینر کی کیٹیگری کے لیے نامزد کیا گیا۔

سید فیضان حسین

24 سالہ سید فیضان حسین کو بھی سوشل انٹرپرینر کی کیٹیگری کے لیے نامزد کیا گیا

تبصرے (0) بند ہیں