پاکستان کے مختصر دورے پر آئی ناتجربہ کار ویسٹ انڈین ٹیم مزید مشکلات سے دوچار ہو گئی ہے اور ویرا سیمی پرمال انجری کے سبب پاکستان کے دورے سے باہر ہو گئے ہیں۔

ویسٹ انڈیز کی ٹیم نے دورہ پاکستان کے لیے 13 رکنی اسکواڈ کا اعلان کیا تھا اور ویرا سیمی پرمال کی انجری کے بعد اب یہ اسکواڈ 12 کھلاڑیوں تک محدود ہو گیا ہے۔

کیریئر کا پہلا انٹرنیشنل ٹی20 میچ کھیلنے ویرا سیمی پرمال اپنے پہلے ہی اوور کی چوتھے گیند کراتے ہوئے پیر مڑنے کے سبب انجری کا شکار ہوئے اور انہیں اسٹریچر پر گراؤنڈ سے باہر لے جایا گیا۔

ویسٹ انڈین اسپنر کو انجری کے سبب ہسپتال منتقل کیا گیا جس کے سبب وہ بیٹنگ کے لیے نہ آ سکے اور اسکین میں ان کے پٹھے پھٹنے کا انکشاف ہوا، جس کی وجہ سے وہ بقیہ سیریز سے باہر ہو گئے ہیں۔

ویرا سیمی کی انجری کے سبب دوسرے ٹی20 میچ میں ویسٹ انڈیز نے اوڈین اسمتھ کو ڈیبیو کرایا۔

انجری کے سبب اب ویسٹ انڈین اسکواڈ 12 افراد تک محدود ہو گیا ہے لیکن سیریز منگل کو ختم ہونے کے سبب ویرا سیمی کا متبادل بلائے جانے کا امکان نہیں۔