کیا آپ بڑھتے جسمانی وزن یا توند سے پریشان ہیں؟ تو اس اضافی چربی کو گھلانے میں ہر جگہ آسانی سے دستیاب سیاہ بیج مددگار ثابت ہوسکتے ہیں، جنھیں تخ ملنگا (تخم ملنگا) کے نام سے جانا جاتا ہے۔

جی ہاں اگر آپ نکلے ہوئے پیٹ کو سپاٹ کرنا چاہتے ہیں تو تخ ملنگا اس حوالے سے مددگار ثابت ہوسکتا ہے جبکہ دیگر طبی فوائد بھی حاصل ہوں گے۔

یہ سیاہ بیج فائبر، اومیگا تھری فیٹی ایسڈز اور الفا لائنولینک ایسڈ سے بھرپور ہوتے ہیں اور یہی وجہ ہے کہ موٹاپے سے نجات کے لیے بہترین آپشن ثابت ہوسکتا ہے، مگر اسے خشک حالت میں کھانا نقصان دہ ثابت ہوسکتا ہے۔

مزید پڑھیں : یہ سیاہ بیج آخر کس کام آتے ہیں؟

تو اسے کھانے سے پہلے کچھ دیر کے لیے پانی میں بھگو دیں یا کسی مشروب میں ڈال کر پی لیں۔

اس کے نتیجے میں پیٹ دیر تک بھرا ہوا محسوس ہوگا یا کھانے سے پہلے بھگوئے ہوئے بیج چبانا زیادہ کھانے سے روکے گا، جس کی بدولت توند میں بہت تیزی سے کمی آتی ہے۔

ان بیجوں کے دیگر فوائد بھی ہیں جن میں سے چند درج ذیل ہیں۔

تخ ملنگا فاسفورس اور میگنیشم سے بھرپور ہوتے ہیں جو کہ ہڈیوں کو صحت مند رکھنے میں مددگار جز ہیں۔

اسی طرح یہ پروٹین کے حصول کا بھی بہترین ذریعہ ہیں جبکہ اومیگا تھری فیٹی ایسڈز اور الفا لائنو لینک ایسڈ امراض قلب کے حوالے سے کچھ تحفظ فراہم کرتے ہیں۔

تخ ملنگا میں موجود اینٹی آکسائیڈنٹس جسم میں گردش کرنے والے نقصان دہ اجزاءسے لڑتے ہیں، جس سے جلد کی مرمت کا نظام تیز ہوتا ہے اور جھریوں کے ابھرنے کی رفتار کم ہوجاتی ہے۔

یہ بھی پڑھیں : گرمیوں میں معدے کی تیزابیت کا علاج آپ کے کچن میں

یہ بیج ذیابیطس کے مریضوں کے لیے بھی فائدہ مند ہیں، جو کہ انسولین کی مزاحمت کی روک تھام میں مدد کرتے ہیں جبکہ بلڈ گلوکوز کی سطح بہتر کرنے کے ساتھ بلڈ پریشر کو بھی معمول پر لاتے ہیں۔

اس میں موجود فائبر آنتوں کی سرگرمیوں کے ساتھ ساتھ نظام ہاضمہ کی صحت کے لیے فائدہ مند ہوتا ہے۔

نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔

تبصرے (2) بند ہیں

Irfan Ali Laghari Jun 14, 2018 05:37pm
Assalam u alaikum sir.. sir me buht mota hun aur mujhy kiya karna chaiye jo me halka ho jaon aur meri age be 14 saal hai plz reply sir
جمیل Jun 14, 2018 09:14pm
اصل لفظ تخم ریحان ہے۔۔۔