• KHI: Maghrib 7:16pm Isha 8:43pm
  • LHR: Maghrib 7:01pm Isha 8:38pm
  • ISB: Maghrib 7:11pm Isha 8:52pm
  • KHI: Maghrib 7:16pm Isha 8:43pm
  • LHR: Maghrib 7:01pm Isha 8:38pm
  • ISB: Maghrib 7:11pm Isha 8:52pm

’سنجو‘ نے لوگوں کو کتنا متاثر کیا؟

شائع June 29, 2018 اپ ڈیٹ July 2, 2018
فلم 29 جون کو دنیا بھر میں ریلیز کردی گئی — فوٹو /اسکرین شاٹ
فلم 29 جون کو دنیا بھر میں ریلیز کردی گئی — فوٹو /اسکرین شاٹ

بولی وڈ اداکار سنجے دت کی زندگی پر بننے والی فلم ’سنجو‘ کی ریلیز کا انتظار مداحوں کو طویل عرصے سے تھا، جسے آخر کار ریلیز کردیا گیا۔

اس کی ہدایات راج کمار ہیرانی نے دی، جس میں مرکزی کردار رنبیر کپور نے ادا کیا۔

فلم سنجو کی کہانی سنجے دت کی زندگی پر لکھی گئی، جس میں ان کا اپنے والد سنیل دت سے رشتہ اور جیل میں ان کا گزارا ہوا وقت دکھایا گیا۔

فلم میں سونم کپور، دیا مرزا، انوشکا شرما، وکی کوشل اور منیشا کوئرالا نے اہم کردار ادا کیے۔

جبکہ اداکار پریش راول نے سنجے دت کے والد سنیل دت کا کردار ادا کیا۔

فلم کی ٹیم کو دیکھتے ہوئے مداحوں کو امید تھی کہ فلم بھی نہایت شاندار بنائی ہوگی، تو کیا فلم سنجو توقعات پر پوری اتری ہے؟

انڈین میڈیا نے فلم کے بارے میں کس رائے کا اظہار کیا؟ یہاں پڑھیں:

بولی وڈ لائف

فلم سنجو رنبیر کپور کے کیریئر کی بہترین پرفارمنس ثابت ہوئی، جس کے لیے یقیناً انہیں بہت سے ایوارڈز اور اعزازات سے نوازا جائے گا۔

اس فلم میں سنجے کی زندگی کو بالکل درست انداز میں پیش نہیں کیا گیا، لیکن انٹرٹینمنٹ کے لیے اس فلم کو دیکھا اچھا آپشن رہے گا۔

فلم میں معاون اداکاروں نے بھی بہترین کام کیا۔

ہندوستان ٹائمز

فلم سنجو متنازع بولی وڈ اسٹار سنجے دت کی زندگی پر بنائی گئی ہے، فلم کے پہلے حصے میں سب سے زیادہ فوکس اس بات پر کیا گیا کہ سنجے دت نے منشیات کا استعمال کیوں اور کیسے کیا۔

فلم میں رنبیر کپور نے بہترین کام کیا، جبکہ راج کمار ہیرانی نے اپنی بہترین ڈائیریکشن سے شائقین کو بیزار ہونے کا موقع نہیں دیا۔

البتہ فلم کی کمزوری یہ تھی کہ اس میں سنجے دت کی زندگی میں اہمیت رکھنے والے کئی ضروری افراد کو پیش نہیں کیا گیا، جن میں ان کی اہلیہ اور گرل فرینڈز شامل ہیں۔

انڈین ایکسپریس

رنبیر کپور نے اس فلم میں سنجے دت کے کردار کو اس پرفیکشن سے پیش کیا کہ وہ سنجے دت ہی نظر آنے لگے، انہوں نے صرف اداکار کا لہجہ ہی نہیں بلکہ انہوں نے اپنے کردار میں سنجے دت کی وہ پریشانی بھی دکھائی، جس کا سامنا انہیں اپنی زندگی میں کرنا پڑا۔

فلم میں دوسری بہترین اداکاری پریش راول نے کی، جنہوں نے رنبیر کپور کا بہترین انداز میں ساتھ دیا، تاہم منیشا کوئرالا کا کردار بےحد مختصر تھا، جبکہ انہیں فلم میں کچھ اور دیر کے لیے شامل رکھنا ایک مثبت فیصلہ ہوتا۔

این ڈی ٹی وی

فلم سنجو ایک بہترین فلم ہے، جس کی ایک اور سب سے اہم وجہ ونبیر کپور ہیں۔

اس فلم میں باقی اداکاروں نے بھی شاندار کام کیا، لیکن کوئی بھی رنبیر کپور سے آگے نہیں نکل پایا۔

فلم آغاز سے اختتام تک کافی متاثر کن رہی۔

فرسٹ پوسٹ

فلم کے آغاز سے ہی جو بات سب سے زیادہ نوٹ کی گئی وہ یہ کہ فلم کے مرکزی اداکار رنبیر کپور کی شخصیت سنجے دت سے کافی ملتی ہے۔

اور یہی وجہ ہے کہ فلم کی سب سے خاص بات بھی رنبیر کپور ہی رہے۔

رنبیر نے فلم میں سب سے زیادہ شاندار کام کیا، جبکہ معاون اداکار بھی متاثر کرنے میں کامیاب رہے۔


سنجے دت کی سوانح حیات نے بھارتی میڈیا کو تو بےحد متاثر کیا، اب دیکھنا یہ ہے کہ فلم باکس آفس پر کتنا کامیاب ہوگی۔

تبصرے (1) بند ہیں

shah fahad Jun 30, 2018 01:35pm
nice website

کارٹون

کارٹون : 29 مئی 2024
کارٹون : 28 مئی 2024