جاپانی ٹیم نے شکست کے باوجود مہذب قوم ہونے کی مثال قائم کردی
جاپان کی ٹیم دنیا کی چند مہذب ترین قوموں میں سے ایک تصور کی جاتی ہے اور ایشیائی ملک کے باشندوں اور ٹیم نے روس میں جاری فیفا ورلڈ کپ میں بھی اس کی نئی مثال قائم کردی۔
جاپان کی ٹیم نے ایونٹ میں اپنے پہلے ہی میچ میں اپنے سے مضبوط کولمبیا کو 1-2 سے اپ سیٹ شکست دی تھی جس کے بعد جاپانی شائقین کا جشن عروج پر تھا، لیکن اس کے باوجود انہوں نے اپنی تہذیب کا شاندار مظاہرہ کرتے ہوئے میچ کے اختتام پر تمام کچرا اٹھا کر اپنی تمام نشستوں کو صاف کردیا تھا۔
This is my favourite moment of the World Cup so far; Japan fans picking up litter after their victory vs Columbia. The lessons in life we can take from the game. Why I support 🇯🇵 #class✅#respect✅#WorldCup pic.twitter.com/FyYLhAGDbi
— Christopher McKaig (@Coachmckaig) June 19, 2018
یہ معاملہ صرف عوام تک محدود نہیں بلکہ جاپان کی قومی فٹبال ٹیم نے بھی اس سلسلے میں نئی مثال قائم کردی۔
ورلڈ کپ کے پری کوارٹر فائنل مرحلے میں بیلجیئم کے خلاف ایشین ٹیم نے شاندار کھیل پیش کرتے ہوئے دو گول کی برتری حاصل کی لیکن بیلجیئم نے عمدہ کم بیک کرتے ہوئے مقابلہ برابر کردیا۔
مزید پڑھیں: جاپانی شائقین کا انوکھا اقدام، میچ کے اختتام پر اسٹیڈیم کی صفائی کی
دونوں ٹیموں کے درمیان مقابلہ ڈرا کی جانب گامزن تھا کہ میچ کے آخری منٹ میں بیلجیئم نے جوابی حملہ کرتے ہوئے گول اسکور کرکے جاپان کی اگلے راؤنڈ میں رسائی کی امیدوں پر پانی پھیر دیا۔
Japanese players bow to their supporters after the heartbreaking loss to Belgium. https://t.co/AENt75h6Cn pic.twitter.com/tOFyGTdeoz
— Mulboyne (@Mulboyne) July 2, 2018
اس میچ میں ناقابل یقین شکست پر دلبرداشتہ جاپانی ٹیم کے ساتھ ساتھ میدان میں موجود جاپانی شائقین بھی پھوٹ پھوٹ کر رو دیے اور اپنی ٹیم کی شکست پر شدید مایوس نظر آئے۔
شکست کے باوجود جاپان کی ٹیم نے میدان میں موجود تمام شائقین کا سپورٹ کرنے پر بھرپور شکریہ ادا کیا اور بعد میں مہذب قوم ہونے کی نئی مثال قائم کردی۔
جاپان کی ٹیم اسٹیڈیم میں موجود اپنے ڈریسنگ روم میں گئی اور پورے لوکر روم کی صفائی کی، یہاں تک کہ اس میں ایک دھبہ تک نہ چھوڑا۔
This is how Japan left the changing room after losing vs. Belgium. Spotless and with a ‘thank you’ note in Russian.
— ESPN FC (@ESPNFC) July 3, 2018
Pure class. 👏 pic.twitter.com/CGj7a1iiXy
جاپان کی ٹیم نے لاکر روم کی صفائی کے بعد ہوٹل روانہ ہوتے ہوئے روس کی میزبانی کو سراہا اور روسی زبان میں ان کا شکریہ ادا کیا۔
لائیو ٹی وی