اسپیکر پنجاب اسمبلی پرویز الہی نے اپوزیشن کے احتجاج کے حوالے سے کہا ہے کہ سیاہ کپڑے پہنیں یا پٹیاں باندھیں صرف ووٹنگ صاف و شفاف ہونی چاہیے۔

پنجاب اسمبلی کے باہر میڈیا سے بات چیت کرتے ہوئے اسپیکر صوبائی اسمبلی پرویز الہی کا کہنا تھا کہ وزیراعلی کا انتخاب ڈویژن سے ہوتا ہے جتنے وزیر اعلی کے ووٹ ہوں گے سب الگ الگ ہوں گے۔

انہوں نے واضح کیا کہ عثمان بزدار متنازع نہیں ہیں وہ قبیلے میں سردار ہیں اور ان کا کام صلح صفائی کرانا ہے۔

اسپیکر صوبائی اسمبلی کا کہنا تھا کہ اپوزیشن ایک جانب جمہوریت کی بات کرتی ہے تو دوسری جانب جمہوریت کی راہ میں حائل ہورہی ہے۔

ان کا کہنا تھا کہ کہیں بے چینی نہیں ہے وزیراعظم اور وزیر اعلی پی ٹی آئی کے ہوں گے ہم ان کے اتحادی ہیں تعلقات میں کوئی ابہام نہیں۔

اسپیکر پنجاب اسمبلی کا کہنا تھا کہ سیاہ کپڑے پہنیں یا سیاہ پٹیاں باندھیں، صرف ووٹنگ صاف و شفاف ہونی چاہیے۔

رپورٹ: عارف ملک