ضمنی انتخابات میں پی پی 27 جہلم میں عوام نے ووٹنگ کے عمل کا بائیکاٹ کردیا۔

ذرائع کے مطابق پی پی 27 جہلم میں بنڈ دادن خان کے نواحی قصبے ڈھڈی پھپرہ کے لوگوں نے ووٹ ڈالنے سے انکار کیا۔

ذرائع نے بتایا کہ لوگوں کا کہنا تھا کہ ہمیں صاف پانی فراہم کرنے کا کہا گیا لیکن اس پر عمل نہیں کیا، لہٰذا ہم ضمنی انتخابات کا بائیکاٹ کرتے ہیں۔

لوگوں نے دعویٰ کیا کہ گزشتہ دور حکومت میں بھی صاف پانی کی فراہمی کا وعدہ کیا گیا، تاہم ہمیں پانی نہیں دیا گیا جبکہ تحریک انصاف کی حکومت بھی وعدہ وفا کرنے میں ناکام رہی۔

رپورٹ: عامر کیانی