پاک فوج کے شعبہ تعلقات عامہ (آئی ایس پی آر) کا کہنا ہے کہ چیف آف آرمی اسٹاف جنرل قمر جاوید باجوہ کے امریکا، برطانیہ اور آسٹریلیا کے فوجی سربراہان سے رابطے ہوئے۔

آرمی چیف کی پاکستان میں تعینات امریکی، برطانوی اور چینی سفیروں سے بھی ٹیلی فونک گفتگو ہوئی۔

پاک فوج کے ترجمان میجر جنرل آصف غفور نے کہا کہ 'آرمی چیف جنرل قمر جاوید باجوہ کی کمانڈر یو ایس سینٹ کام، برطانیہ کے چیف آف ڈیفنس اسٹاف، آسٹریلیا کے چیف آف ڈیفنس فورس اور امریکا، برطانیہ اور چین کے سفیروں سے پاک ۔ بھارت کشیدگی پر ٹیلی فونک گفتگو ہوئی۔'

گفتگو میں آرمی چیف کا کہنا تھا کہ 'پاکستان اپنے دفاع میں کسی بھی کارروائی کا حق محفوظ رکھتا ہے۔'