حکومت پنجاب نے سابق وزیر اعظم نواز شریف کوجلوس کی شکل میں جیل تک لانے کا مسلم لیگ (ن) کا منصوبہ مضحکہ خیز قرار دے دیا۔

وزیر اطلاعات پنجاب صمصام بخاری کا کہنا ہے کہ ایک مجرم کی جیل کے لیے جلوس کے ساتھ روانگی مضحکہ خیز ہے۔ اگر قانون ہاتھ میں لیاتوحکومتی مشینری حرکت میں آئے گی۔

معاون خصوصی اطلاعات ونشریات فردوس عاشق اعوان کا کہنا تھا کہ امید ہے کہ جاتی امراء میں 6 ہفتے گزارنے سے نواز شریف کا ذہنی تناؤ دور ہوگیا ہوگا۔

سابق وزیر اعظم نواز شریف کو مریم نواز جلوس کی قیادت کرتے ہوئے جیل تک چھوڑ کر آئیں گی جبکہ حمزہ شہباز گاڑی چلائیں گے۔