آسٹریلین آل راؤنڈر اسٹوئنس پاکستان کے خلاف میچ سے باہر

اپ ڈیٹ 14 جون 2019
اسٹوئنس نے بھارت کے خلاف میچ میں مہندرا سنگھ دھونی اور کپتان ویرات کوہلی کی وکٹیں لی تھیں— فائل فوٹو: رائٹرز
اسٹوئنس نے بھارت کے خلاف میچ میں مہندرا سنگھ دھونی اور کپتان ویرات کوہلی کی وکٹیں لی تھیں— فائل فوٹو: رائٹرز

پاکستان کے خلاف ورلڈ کپ میچ سے قبل آسٹریلیا کی ٹیم کو دھچکا لگا ہے اور اہم آسٹریلین آل راؤنڈر مارکس اسٹوئنس انجری کے سبب پاکستان کے خلاف میچ میں شرکت نہیں کر سکیں گے۔

پاکستان اور آسٹریلیا کل ٹونٹن میں مدمقابل ہوں گے تاہم میچ سے قبل اسٹوئنس انجری کا شکار ہو گئے ہیں۔

مزید پڑھیں: 'تیز بارش نے ہلکی بارش کو 62 ملی میٹر سے شکست دے دی'

اسٹوئنس نے اب تک ورلڈ کپ 2019 کے تینوں میچوں میں آسٹریلیا کی نمائندگی کی تھی لیکن وہ اتوار کو بھارت کے خلاف میچ میں انجری کا شکار ہوئے۔

آسٹریلین کپتان ایرون فنچ نے انجری کی تصدیق کرتے ہوئے بتایا کہ اسٹوئنس کو سائیڈ اسٹرین انجری ہوئی ہے، وہ کل کے میچ کے لیے دستیاب نہیں ہوں گے۔

آسٹریلیا نے اسٹوئنس کے متبادل کے طور پر مچل مارش کو اسکواڈ میں طلب کر لیا ہے تاہم انجری کا جائزہ لینے کے بعد اس بات کا فیصلہ کیا جائے گا کہ اسٹوئنس بقیہ ورلڈ کپ میں شرکت کر سکیں گے یا نہیں۔

یہ بھی پڑھیں: بھارتی ٹیم کو ورلڈکپ میں بڑا دھچکا، شیکھر دھاون ایونٹ سے باہر

اسٹوئنس کی غیرموجودگی میں فاسٹ باؤلرز کین رچرڈسن یا جیسن بہرن ڈورف کو کھلائے جانے امکان ہے جبکہ آسٹریلیا کے پاس اسپنر نیتھن لایون اور تجربہ کار بلے باز شان مارش کے استعمال کا آپشن بھی موجود ہے۔

آسٹریلین کپتان نے کہا کہ ہم پاکستان کے خلاف میچ میں کنڈیشنز کو دیکھنے کے بعد فیصلہ کریں گے کہ ہمیں شان مارش کو کھلانا ہے یا اضافی باؤلر کے ساتھ میدان میں اتریں۔

ضرور پڑھیں

تبصرے (0) بند ہیں