کرایہ داری ایکٹ کی خلاف ورزی پر سابق مشیر عرفان صدیقی گرفتار
اپ ڈیٹ 27 جولائ 2019
سابق وزیر اعظم کے مشیر عرفان صدیقی کو اسلام آباد کی مقامی عدالت نے کرایہ داری ایکٹ کی خلاف ورزی پر 14 روزہ جوڈیشل ریمانڈ پر جیل بھیج دیا۔
عرفان صدیقی کو رمنا پولیس نے اسلام آباد کی مجسٹریٹ مہرین بلوچ کی عدالت میں پیش کر کے موقف اپنایا کہ ملزم نے کرایہ داری ایکٹ کی خلاف ورزی کی اس لیے جوڈیشل ریمانڈ منظور کیا جائے.
دوسری جانب عرفان صدیقی کے وکلا نے پولیس کی درخواست کی مخالفت کرتے ہوئے کہا کہ یہ جھوٹا اور بے بنیاد مقدمہ ہے تاہم سابق مشیر کو مقدمے سے بری کیا جائے۔
مجسٹریٹ مہرین بلوچ نے دلائل سننے کے بعد عرفان صدیقی کو 14 روزہ جوڈیشل ریمانڈ پر اڈیالہ جیل بھیج دیا۔
تبصرے (0) بند ہیں