'میڈونا نے حاملہ کرنے کیلئے 2 کروڑ ڈالر کی پیشکش کی'

اپ ڈیٹ 20 ستمبر 2019
باسکٹ بال کھلاڑی کے بیان پر تاحال میڈونا نے کوئی بیان نہیں دیا—فوٹو: اے ایف پی
باسکٹ بال کھلاڑی کے بیان پر تاحال میڈونا نے کوئی بیان نہیں دیا—فوٹو: اے ایف پی

گزشتہ صدی میں دنیا کی 25 بااثر خواتین اور سب سے معروف پاپ گلوکارہ کا درجہ حاصل کرنے والی امریکی گلوکارہ، لکھاری، ہدایت کارہ و کاروباری خاتون میڈونا کے حوالے سے ایک حیران کن انکشاف سامنے آیا ہے۔

میڈونا سے متعلق امریکا کے سابق باسکٹ بال کھلاڑی 58 سالہ ڈینس روڈمن نے انکشاف کیا ہے کہ گلوکارہ نے انہیں بچہ پیدا کرنے میں مدد فراہم کرنے کے عوض خطیر رقم دینے کی پیش کش کی۔

ڈینس روڈمن کے مطابق میڈونا نے انہیں 29 سال قبل 1990 کے بعد گلوکارہ کو حاملہ کرنے کے لیے پیسوں کی پیش کش کی۔

نشریاتی ادارے ’فاکس نیوز‘ کے مطابق ڈینس روڈمن نے امریکی ایف ایم ریڈیو کو دیے گئے انٹرویو میں حیران کن انکشافات کرتے ہوئے کسی وقت دنیا کی معروف ترین گلوکارہ کا اعزاز رکھنے والی میڈونا پر سنگین الزامات بھی لگائے۔

ڈینس روڈمن نے ماضی کو یاد کرتے ہوئے بتایا کہ 1990 میں وہ ایک دن امریکی شہر لاس اینجلس میں جوا کھیل رہے تھے کہ انہیں میڈونا کا فون آیا اور انہوں نے انہیں پیش کش کی کہ وہ انہیں بچہ پیدا کرنے میں مدد فراہم کریں۔

میڈونا کو 20 ویں صدی کی سب سے مقبول گلوکارہ کا اعزاز حاصل ہے—فوٹو: اے اسٹاک
میڈونا کو 20 ویں صدی کی سب سے مقبول گلوکارہ کا اعزاز حاصل ہے—فوٹو: اے اسٹاک

ریڈیو انٹرویو میں سابق باسکٹ بال کھلاڑی کا کہنا تھا کہ میڈونا نے انہیں واضح طور کہا کہ انہیں کچھ پیچیدگیاں ہیں، جس وجہ سے ان کا حمل نہیں ٹھہرتا، تاہم اگر ان دونوں کے درمیان تعلقات کی وجہ سے وہ حاملہ ہوجاتی ہیں اور بچے کو جنم دیتی ہیں تو وہ کھلاڑی کو 2 کروڑ امریکی ڈالر (پاکستانی 3 ارب روپے سے زائد) کی رقم دیں گی۔

ڈینس روڈمن نے دعویٰ کیا کہ میڈونا نے انہیں لے کر آنے کے لیے خصوصی طیارہ بھجوایا اور وہ 5 گھنٹوں میں گلوکارہ سے طے کیا گیا کام کرکے واپس اسی جوا خانے آئے اور پھر سے انہوں نے جوا کھیلا۔

سابق باسکٹ بال کے کھلاڑی کا کہنا تھا کہ ان کے خیال میں میڈونا کی بڑی بیٹی 22 سالہ لیورڈس لیون بھی گلوکارہ کی جانب سے کیوبن اداکار کارلوس لیون سے جنسی تعلقات کی وجہ سے پیدا ہوئیں۔

گلوکارہ کا شمار امیر ترین گلوکاراؤں میں ہوتا ہے—فوٹو: شٹر اسٹاک
گلوکارہ کا شمار امیر ترین گلوکاراؤں میں ہوتا ہے—فوٹو: شٹر اسٹاک

ڈینس روڈمن نے یہ دعویٰ بھی کیا کہ ان سے تعلقات کی وجہ سے ہی میڈونا کو شہرت ملی۔

ان کے مطابق چوں کہ وہ 1990 میں کافی بدنام تھے اور اداکارہ چاہتی تھیں کہ وہ ان جیسے ہی کسی بدنام شخص سے تعلقات استوار کرکے خبروں کی زینت بن کر شہرت حاصل کریں۔

یہ بھی پڑھیں: گلوکارہ میڈونا کا ہاروی وائنسٹن پر جنسی ہراساں کرنے کا الزام

سابق باسکٹ بال کھلاڑی نے یہ وضاحت نہیں کی کہ ان کے اور میڈونا کے درمیان کتنے عرصے تک تعلقات رہے اور نہ ہی یہ بتایا کہ ان کے تعلقات کی وجہ سے میڈونا ’امید‘ سے ہوئی یا نہیں؟

تاہم انہوں نے دعویٰ کیا کہ میڈونا انہیں 2 کروڑ ڈالر تک دینے کے لیے تیار تھیں۔

View this post on Instagram

A post shared by DENNIS RODMAN (@dennisrodman) on

خیال رہے کہ گنیز بک آف ورلڈ ریکارڈ کے مطابق 61 سالہ میڈونا گزشتہ صدی کی دنیا کی 25 بااثر خواتین میں سے ایک ہیں اور انہوں نے کئی دہائیوں تک پاپ موسیقی پر بادشاہی کی۔

میڈونا نے اور بھی کئی عالمی ریکارڈ اپنے نام کر رکھے ہیں۔

وہ امریکی ریاست مشی گن میں اگست 1958 میں پیدا ہوئیں اور چند سال بعد موسیقی اور رقص کی تربیت کے لیے نیویارک منتقل ہوگئیں۔

گلوکارہ اپنی بڑی بیٹیوں کے ہمراہ—فوٹو: شٹر اسٹاک
گلوکارہ اپنی بڑی بیٹیوں کے ہمراہ—فوٹو: شٹر اسٹاک

میڈونا نے 1980 میں کیریئر کا آغاز کیا اور دیکھتے ہی دیکھتے امریکا کے بعد یورپ اور پھر دنیا بھر میں مشہور ہوگئیں اور انہیں ’پاپ موسیقی کی ملکہ‘ کہا جانے لگا۔

میڈونا نے انتہائی پرتعیش، رنگین اور پرکیف زندگی گزاری اور انہوں نے دنیا میں فیشن کے نت نئے ٹرینڈز متعارف کرائے۔

میڈونا نے پہلی شادی 1985 میں اپنے کیریئر کے آغاز اور ہولی وڈ میں انٹری کے وقت اداکارہ سین جسٹن پین سے کی، تاہم 4 سال بعد 1989 میں دونوں کے درمیان طلاق ہوگئی۔

میڈونا نے دوسری شادی 2000 میں فلم پروڈیوسر و ہدایت کار اسٹارٹ رچی سے کی اور دونوں کی شادی 8 سال چلنے کے بعد 2008 میں طلاق پر ختم ہوئی۔

میڈونا نے تین بچے گود لے رکھے ہیں—فوٹو: انسٹاگرام
میڈونا نے تین بچے گود لے رکھے ہیں—فوٹو: انسٹاگرام

میڈونا نے دو شادیاں کیں تاہم ان کے تعلقات متعدد اداکاروں اور گلوکاروں سمیت صنعت کاروں سے بھی رہے۔

میڈونا کی سب سے بڑی بیٹی لیورڈس لیون 1996 میں پیدا ہوئیں، اس وقت گلوکارہ کے تعلقات کیوبن اداکار کارلوس لیون سے تھے۔

میڈونا کے بڑے بیٹے روکو رچی کی عمر 18 برس ہے اور وہ اسٹارٹ رچی کے بیٹے ہیں، گلوکارہ کا اسٹارٹ رچی سے ہی 13 سالہ ایک اور بیٹا بھی ہے۔

گلوکارہ میڈونا نے تین بچوں کو گود بھی لے رکھا ہے اور وہ مجموعی طور پر 6 بچوں کی پرورش کرتی ہیں۔

میڈونا کو سب سے پہلی بولڈ گلوکارہ کے طور پر بھی جانا جاتا ہے—فوٹو: اے اسٹاک
میڈونا کو سب سے پہلی بولڈ گلوکارہ کے طور پر بھی جانا جاتا ہے—فوٹو: اے اسٹاک

تبصرے (0) بند ہیں