• KHI: Asr 5:11pm Maghrib 7:16pm
  • LHR: Asr 4:54pm Maghrib 7:00pm
  • ISB: Asr 5:03pm Maghrib 7:11pm
  • KHI: Asr 5:11pm Maghrib 7:16pm
  • LHR: Asr 4:54pm Maghrib 7:00pm
  • ISB: Asr 5:03pm Maghrib 7:11pm

ایل او سی: پاک فوج کا بھارتی اشتعال انگیزی پر بھرپور جواب

شائع December 22, 2019
کرن اور وادی نیلم میں فائرنگ کا تبادلہ بھارتی میڈیا کا پروپیگنڈا ہے، ترجمان — فائل فوٹو
کرن اور وادی نیلم میں فائرنگ کا تبادلہ بھارتی میڈیا کا پروپیگنڈا ہے، ترجمان — فائل فوٹو

پاک فوج نے لائن آف کنٹرول (ایل او سی) پر بھارتی فوج کی بلااشتعال فائرنگ کا بھرپور جواب دیا۔

پاک فوج کے شعبہ تعلقات عامہ (آئی ایس پی آر) کے مطابق کنٹرول لائن پر جاری بھارتی فوج کی اشتعال انگیزی کا بھرپور جواب دیا گیا۔

بیان میں کہا گیا کہ اشتعال انگیزی کے جواب میں دیوا سیکٹر پر بھارتی پوسٹوں کے تباہ ہونے اور بھارتی فوجیوں کے بھاری جانی نقصان کی اطلاعات ہیں۔

آئی ایس پی آر کا کہنا تھا کہ کرن اور وادی نیلم میں بھارتی میڈیا کے پروپیگنڈے کے برعکس فائرنگ کا کوئی بڑا تبادلہ نہیں ہوا۔

واضح رہے کہ دو روز قبل لائن آف کنٹرول پر بھارتی فوج کی بلااشتعال فائرنگ سے نوجوان سمیت 2 افراد جاں بحق ہوگئے تھے۔

آئی ایس پی آر کے بیان میں کہا گیا کہ 'پاک فوج نے شہری آبادی پر بھارتی فائرنگ کا بھرپور جواب دیا جس سے فائرنگ کرنے والی بھارتی پوسٹ کو نقصان پہنچا۔'

مزید پڑھیں: لائن آف کنٹرول پر بھارت کی بلااشتعال فائرنگ، پاک فوج کا جوان شہید

تاہم فائرنگ کے تبادلے میں پاک فوج کے 3 جوان بھی زخمی ہوئے۔

ایل او سی پر جنگ بندی کے لیے 2003 میں پاکستان اور بھارتی افواج کی جانب سے ایک معاہدے پر دستخط کیے گئے تھے تاہم اس کے باوجود جنگ بندی کی خلاف ورزی کا سلسلہ وقفے وقفے سے جاری ہے۔

حکام کے مطابق رواں برس ایل او سی پر بھارتی فوج کی جارحیت کے نتیجے میں آزاد جموں و کشمیر میں درجنوں افراد شہید اور 250 سے زائد زخمی ہوچکے ہیں۔

کارٹون

کارٹون : 28 مئی 2024
کارٹون : 27 مئی 2024