اداکارہ سعدیہ غفار رشتہ ازدواج میں منسلک ہوگئیں

اپ ڈیٹ 02 مارچ 2020
فوٹو: انسٹاگرام
فوٹو: انسٹاگرام

پاکستان کی نامور اداکارہ سعدیہ غفار نے اپنے دوست اداکار و گلوکار حسن حیات کے ساتھ نکاح کرکے اپنی زندگی کے نئے سفر کا آغاز کردیا۔

اداکارہ نے اپنے نکاح کے دوران لی گئی تصاویر بھی سوشل میڈیا پر شیئر کیں جو جلد ہی وائرل ہوگئیں۔

A photo posted by Instagram (@instagram) on

جبکہ ان کے شوہر حسن حیات نے بھی نکاح کی ایک رومانوی تصویر مداحوں کے ساتھ شیئر کی۔

A photo posted by Instagram (@instagram) on

سعدیہ اپنے نکاح کے دوران نہایت خوبصورت عروسی جوڑے میں نظر آئیں جبکہ انہوں نے بہت سادہ میک اپ کیا ہوا تھا۔

نکاح کی تقریب میں پاکستانی شوبز انڈسٹری سے تعلق رکھنے والی کئی نامور شخصیات نے شرکت کی۔

ان میں سجل علی، صبور علی، اقرا عزیز، یاسر حسین، زارا نور عباس اور اسد صدیقی شامل ہیں۔

سعدیہ غفار کی رخصتی کی ویڈیو بھی مداحوں کی توجہ کا مرکز بنی۔

A photo posted by Instagram (@instagram) on

نکاح سے قبل سعدیہ اور حسن کے مایوں اور ڈھولکی کی تقریبات بھی منعقد ہوئی تھی جن کی تصاویر اور ویڈیوز سوشل میڈیا پر خوب وائرل ہوئیں۔

خیال رہے کہ رواں سال فروری کے آغاز میں ان دونوں اداکاروں کی منگنی ہوئی تھی۔

A photo posted by Instagram (@instagram) on

کیریئر کے حوالے سے بات کی جائے تو 26 سالہ سعدیہ غفار 'مات'، 'ایسی ہے تنہائی' اور 'کس دن میرا ویاہ ہووے گا' جیسے ڈراموں میں کام کرچکے ہیں۔

تبصرے (0) بند ہیں