کورونا وائرس کے پھیلاﺅ کو مدنظر رکھتے ہوئے بھارت میں تمام فلموں، ٹی وی سیریلز اور ویب شوز کی شوٹنگ پر 19 سے 31 مارچ تک پابندی عائد کردی گئی۔

یہ اعلان انڈین موشن پکچر پروڈیوسرز ایسوسی ایشن اور دیگر انٹرٹینمنٹ باڈیز نے کیا۔

تمام پروڈیوسرز کو ہدایت کی گئی ہے کہ وہ 3 دن میں بھارت یا دیگر مقامات پر شوٹنگ کرنے والے یونٹس کو واپس طلب کرلیں۔

ایسوسی ایشن کا کہنا تھا کہ شوٹنگ کے دوبارہ آغاز کے حوالے سے 30 مارچ کو غور کیا جائے گا اور صورتحال کو دیکھ کر اس کی اجازت دی جائے گی۔