اٹارنی جنرل نے قیدیوں کی رہائی سے متعلق تجاویز سپریم کورٹ میں جمع کرادیں
اٹارنی جنرل نے کورونا وائرس کے پھیلاؤ پر قابو پانے کی احتیاطی تدبیر کے طور پر سپریم کورٹ میں قیدیوں کی رہائی کی تجاویز جمع کرادیں۔
انہوں نے تجویز دی ہے کہ ذہنی اور جسمانی بیماریوں میں مبتلا انڈر ٹرائل قیدیوں کو ضمانت پررہائی ملنی چاہیے اگر اُن کے جرم کی سزا تین سال سے کم ہے۔
اس میں تین سال تک سال سزا کے جرم میں قید انڈر ٹرائل خواتین اور بچوں کو ضمانت پر رہا کرنے کی تجویز بھی دی گئی ہے۔
تجویز دی گئی ہے کہ ایسے سزا یافتہ قیدی جو سزا پوری کر چکے ہیں لیکن جرمانہ ادا نہیں کر سکتے انہیں رہا کر دینا چاہیے جبکہ ایسی خواتین اور بچے جو 75 فیصد سزا مکمل کر چکے ہیں انہیں بھی رہا کر دیا جانا چاہیے۔
لائیو ٹی وی