جامعہ کراچی کو چین کی سیشوان نارمل یونیورسٹی سے 7 ہزار این 95 ماسکس موصول ہوگئے۔

ڈان اخبار کی رپورٹ کے مطابق ان ماسکس کو جامعہ کراچی کے کنفوشیئس انسٹیٹیوٹ کی چینی ڈائریکٹر پروفیسر ژانگ ژیاؤپنگ نے جامعہ کراچی کے کلینک میں اسٹاف کو دیا۔

اس تقریب سے خطاب کرتے ہوئے پروفیسر ژیاپنگ نے پاکستان اور چین کے درمیان تاریخی تعلقات کا ذکر کیا اور پاکستانیوں کو چین میں آنے والے کورونا وائرس بحران میں ان کے ساتھ تعاون کرنے پر شکریہ ادا کیا۔

ان کا کہنا تھا کہ ’چینی حکومت اور عوام پاکستان میں کورونا وائرس کی صورتحال پر فکر مند ہے اور ان کی مدد کے لیے تیار ہے‘۔