ڈیرہ مراد جمالی: بلوچستان کے قصبے ڈیرہ اللہ یار کے ایک علاقے میں چار کورونا وائرس کے مریضوں کی تشخیص کے بعد اس علاقے کو سیل کردیا گیا۔

نصیر آباد ڈویژن کے کمشنر عبدالرزاق کھجک کے مطابق یہ چاروں مریض کراچی کے ایک ہسپتال میں زیر علاج ہیں۔

کمشنر کا مزید کہنا تھا کہ ’ہم نے ضلع جعفرآباد کے قصبہ ڈیرہ اللہ یار کا علاقہ سیل کردیا ہے جہاں سے یہ کیسز رپورٹ ہوئے‘۔

حکام نے چاروں افراد کے گھرانوں کے تمام ارکان کی اسکریننگ کی اور ان میں سے 11 افراد میں وائرس کی کچھ علامات ظاہر بھی ہورہی ہیں۔

ان 11 افراد میں 2 مرد اور 9 خواتین شامل ہیں جن کو مزید ٹیسٹ کے لیے کوئٹہ کے ایک ہسپتال بھیجنے کی تیاری کی جارہی ہے۔