ترکی کی جانب سے 600 پاکستانی خاندانوں میں راشن تقسیم
ترکی کی ریاستی امدادی ایجنسی نے 600 خاندانوں میں راشن بیگز تقسیم کردیے۔
ترک خبررساں ادارے انادولو کے مطابق ترکش کارپوریشن اینڈ کو آرڈینیشن ایجنس (ٹیکا) کی جانب سے جاری بیان میں کہا گیا کہ 300 راشن بیگز لاہور میں تقسیم کیے گئے جبکہ دیگر 300 بیگ مردان میں تقسیم کیے گئے۔
اس حوالے سے ٹیکا کے اسلام آباد کے کوآرڈینیٹر گوخان اُمت کا کہنا تھا کہ مشکل کی اس گھڑی میں ہم اپنے پاکستانی بہن بھائیوں کو تنہا نہیں چھوڑیں گے۔
ان کا کہنا تھا کہ ٹیکا نے 50 ہزار سرجیکل ماسکس اور خوراک کے ڈبے بھی تقسیم کیے ہیں۔
واضح رہے کہ رمضان المبارک میں ترک امدادی ایجنسی پنجاب، خیبرپختونخوا اور اسلام آباد میں ڈھائی ہزار خوراک کے پیکجز تقسیم کرے گی۔
لائیو ٹی وی