پنجاب حکومت نے لاک ڈاؤن سے متاثرہ وکلا کیلئے گرانٹ جاری کردی
پنجاب حکومت نے کورونا وائرس کے باعث لاک ڈاؤن کے دوران متاثر ہونے والے وکلا کے لیے 10 کروڑ 40 لاکھ روپے جاری کردیے۔
لاہور بار نے کورونا وائرس اور لاک ڈاؤن کے دوران متاثرہونے وکلا کے لیے صوبائی حکومت سے امداد کی اپیل کی تھی جس پر حکمہ خزانہ پنجاب کو سمری بھیج دی گئی تھی اور آج محکمہ خزانہ کی جانب سے نوٹی فیکیشن جاری کر دیا گیا۔
نوٹی فکیشن کے مطابق وزیراعلیٰ پنجاب سردار عثمان بزدار نے محکمہ خزانہ کو گرانٹ جاری کرنے کی خصوصی ہدایت کی تھی جس کے بعد 10 کروڑ 40لاکھ روپے جاری کردیے گئے ہیں۔
محکمہ خزانہ پنجاب کی جانب سے جاری کی گئی رقم بار ایسوسی ایشنز کے ذریعے لاک ڈاؤن سے متاثر ہونے والے مستحق وکلا میں تقسیم کی جائے گی۔
لائیو ٹی وی