اسلام آباد انتظامیہ کا کورونا سے متعلق غلط معلومات پر کارروائی کی تنبیہ
وفاقی دارالحکومت کی انتظامیہ نے کورونا وائرس سے متعلق غلط معلومات پھیلانے والے افراد کے خلاف وارننگ جاری کردی۔
ڈان اخبار کی رپورٹ کے مطابق پریس کانفرنس کرتے ہوئے ڈپٹی کمشنر محمد حمزہ شفقت نے کہا کہ مذکورہ عمل میں ملوث افراد کے خلاف مقدمات درج کیے جائیں گے۔
انہوں نے کہا کہ کسی علاقے یا رہائشیوں کے درمیان کورونا وائرس سے متعلق گمراہ کن معلومات، گھریلو ٹوٹکے بتانے والے افراد کے خلاف کارروائی کی جائے گی۔
ڈپٹی کمشنر نے مزید کہا کہ گھریلو ٹوٹکوں سے شہریوں کو مزید پیچیدگیاں ہوسکتی ہیں۔
لائیو ٹی وی