جوکووچ اور ان کی بیوی کورونا وائرس سے صحتیاب
عالمی نمبر ایک ٹینس اسٹار نوواک جوکووچ اور ان کی اہلیہ کورونا وائرس سے صحتیاب ہو گئے ہیں اور ان کا ٹیسٹ منفی آ گئے ہیں۔
ٹینس اسٹار کی میڈیا ٹیم کی جانب سے جاری بیان کے مطابق نوواک جوکووچ اور ان کی بیوی جیلینا کے کووڈ-19 کے ٹیسٹ منفی آ گئے ہیں، یہ دونوں ٹیسٹ مثبت آنے کے بعد سے بلگریڈ میں تھے۔
سربیا اور کروشیا میں ٹینس کے نمائشی میچز کھیلنے کے بعد جوکووچ سمیت چار کھلاڑیوں کے ٹیسٹ مثبت آئے تھے۔
اس کے علاوہ گریگو دمتروو، بورنا کورک اور وکٹر ٹروئکی بھی وائرس کا شکار ہو گئے تھے۔
لائیو ٹی وی