وفاقی حکومت نے عیدالاضحیٰ کے دوران کورونا وائرس کے ممکنہ پھیلاؤ پر قابو پانے کی حکمت عملی مرتب کرنے کے لیے صوبائی دارالحکومتوں میں نیشنل کمانڈ اینڈ آپریشن سینٹر(این سی او سی) کے اجلاسوں کے انعقاد کا فیصلہ کیا ہے۔
اس حوالے سے این سی او سی کا پہلا اجلاس آج (13 جولائی کو) لاہور میں ہوگا۔
ڈان اخبار کیرپورٹ کے مطابق وفاقی وزیر برائے منصوبہ بندی و ترقی اسد عمر جو اجلاس کی سربراہی کریں گے انہوں نے کہا کہ این سی او سی میں صوبوں کی نمائندگی شامل ہے لیکن ہر صوبے کی قیادت کے ساتھ علیحدہ اجلاس کے فیصلے کا مقصد انہیں درپیش مختلف مسائل اور مشکلات پر تبادلہ خیال کرنا ہے۔
انہوں نے کہا کہ اجلاس میں کورونا وائرس کے ٹیسٹس کی یومیہ تعداد اور مریضوں کی کانٹیکٹ ٹریسنگ پر تفصیلی تبادلہ خیال کیا جائے گا۔
تبصرے (0) بند ہیں