حکومت خیبر پختونخوا میڈیکل ٹیچنگ انسٹی ٹیوشنز (ایم ٹی آئی) میں کورونا وائرس کے مریضوں کو داخل کرنے سے روکنے کے منصوبے پر غور کر رہی ہے۔

ڈان اخبار کی رپورٹ کے مطابق عالمی وبا کی وجہ سے خیبر ٹیچنگ ہسپتال ، حیات آباد میڈیکل کمپلیکس اور لیڈی ریڈنگ ہسپتال گزشتہ 4 ماہ سے عام مریضوں کے لیے بند ہیں۔

حال ہی میں کورونا وائرس کے مریضوں میں 70 فیصد کمی واقع ہوئی ہے جس کے نتیجے میں حکام کورونا وائرس کے مریضوں کو 2 نئے طبی مراکز منتقل کرنے اور عام مریضوں کے لیے ایم ٹی آئیز کھولنے پر غور کررہے ہیں۔