عید کے دنوں میں مزارات، قبرستان بند رکھنے کا فیصلہ

31 جولائ 2020

ای میل

اسلام آباد کی انتظامیہ نے عید کی چھٹیوں کے دوران کورونا وائرس کا پھیلاؤ روکنے کے لیے تمام مزارات اور قبرستان بند کرنے کا فیصلہ کیا ہے تاہم اس دوران تدفین کی اجازت ہوگی۔

ڈان اخبار کی رپورٹ کے مطابق اس کے علاوہ تمام پارکس، پکنک کے مقامات جیسا کہ لیکب ویو پارک، ایف-9 پارک، جیسمین گارڈن، دامنِ کوہ اور ہل اسٹیشنز بند رہیں گے۔

حکام کا کہنا ہے کہ یہ تمام اقدامات چھٹیوں کے دوران لوگوں کے اجتماعات سے گریز کے لیے اٹھائے گئے ہیں ورنہ اس کا نتیجہ وائرس کے مزید پھیلاؤ کی صورت میں نکل سکتا تھا۔