رومانوی ڈرامے کے ساتھ ارمینہ خان ٹی وی پر واپسی کے لیے تیار

اپ ڈیٹ 15 ستمبر 2020
ڈرامے کو رواں برس کے آخر تک ریلیز کیے جانے کا امکان ہے—فوٹو:  انسٹاگرام
ڈرامے کو رواں برس کے آخر تک ریلیز کیے جانے کا امکان ہے—فوٹو: انسٹاگرام

رواں برس ویلن ٹائنز ڈے پر سادگی سے شادی کرکے لوگوں اور مداحوں کو حیران کرنے والی اداکارہ ارمینہ خان کو جلد ان کے مداح چھوٹی اسکرین پر دیکھ سکیں گے۔

شارٹ برطانوی فلموں سے اداکاری کی دنیا میں آنے والی ارمینہ خان نے پاکستانی شوبز میں ڈراموں سے کیریئر کا آغاز کیا تھا اور ان کا پہلا ڈراما 2011 میں ریلیز ہوا تھا۔

ارمینہ خان نے ڈراموں میں شاندار اداکاری کے بعد پاکستانی فلموں میں بھی اداکاری کے جوہر دکھائے اور انہوں نے ’بن روئے‘ سے فلم ڈیبیو کیا تھا۔

ڈراموں کے بعد فلموں میں بھی شاندار کامیابی حاصل کرنے والی ارمینہ خان گزشتہ تین سال سے ڈراما انڈسٹری سے دور تھیں تاہم اب جلد وہ چھوٹی اسکرین پر دکھائی دیں گی۔

یہ بھی پڑھیں: ارمینہ خان نے منگنی کرلی

ارمینہ خان جلد ہی حرا مانی اور جنید خان کے ساتھ رومانوی ڈرامے میں اہم کردار ادا کرتی دکھائی دیں گی۔

ارمینہ خان نے جولائی 2017 میں دیرینہ دوست سے منگنی کی کی تھی—فوٹو: انسٹاگرام
ارمینہ خان نے جولائی 2017 میں دیرینہ دوست سے منگنی کی کی تھی—فوٹو: انسٹاگرام

سمیرا افضل کی لکھی گئی کہانی محبت میں مبتلا ہونے کے بعد اپنی ذات سے بے خبری کے گرد گھومتی ہے، جس میں محبت کے بعد نفرت، بدلا اور کئی طرح کی نادانیاں بھی دیکھنے کو ملیں گی۔

مزید پڑھیں: ارمینہ خان نے ویلنٹائن کے دن خاموشی سے شادی کرلی

رومانوی ڈرامے کے حوالے سے ارمینہ خان نے ڈان امیجز کو بتایا کہ وہ پہلی بار ایک منفرد کردار میں دکھائی دیں گی اور انہیں یقین ہے کہ شائقین ان کے ڈرامے سے محظوظ ہوں گے۔

اداکارہ نے رواں برس ویلن ٹائنز ڈے پر سادگی سے شادی کی تھی—فوٹو: انسٹاگرام
اداکارہ نے رواں برس ویلن ٹائنز ڈے پر سادگی سے شادی کی تھی—فوٹو: انسٹاگرام

ساتھ ہی اداکارہ کا کہنا تھا کہ وہ کافی عرصے بعد ٹی وی پر واپسی کر رہی ہیں اور انہیں اس بات کا اندازہ نہیں ہے کہ لوگ دوبارہ چھوٹی اسکرین پر انہیں پسند کریں گے یا نہیں؟

ارمینہ خان کے مطابق ڈرامے کی ریلیز کے بعد ہی درست انداز میں ہو سکے گا کہ لوگ انہیں چھوٹی اسکرین پر پسند کر رہے ہیں یا نہیں؟

انہوں نے تین سال بعد ٹی وی پر واپسی کرنے پر ہچکچاہٹ کا اظہار بھی کیا، تاہم ساتھ ہی امید ظاہر کی کہ چھوٹی اسکرین پر واپسی ان کے لیے اور مداحوں کے لیے اچھا فیصلہ ثابت ہوگا۔

ارمینہ خان کا آنے والا ڈراما ہم ٹی وی پر نشر کیا جائے گا اور خیال کیا جا رہا ہے کہ ڈرامے کو رواں برس کے آخر یا آئندہ سال تک نشر کیا جائے گا۔

ارمینہ خان کانز فلم فیسٹیول میں 2013 میں شرکت کرنے والی پہلی پاکستانی اداکارہ بنی تھیں—فوٹو: انسٹاگرام
ارمینہ خان کانز فلم فیسٹیول میں 2013 میں شرکت کرنے والی پہلی پاکستانی اداکارہ بنی تھیں—فوٹو: انسٹاگرام

تبصرے (0) بند ہیں