بھارت کے ہسپتال میں آتشزدگی سے کووڈ متاثرین ہلاک
27 نومبر 2020
بھارتی ریاست گجرات کے شہر راج کوٹ کے ایک ہسپتال میں آگ بھڑک اٹھی جس کے نتیجے میں کوووڈ-19 سے متاثرہ 5 افراد ہلاک ہوگئے۔
خبرایجنسی رائٹرز کے مطابق کورونا وارڈ میں آگ لگنے کے واقعے پر بھارتی سپریم کورٹ نے بھی برہمی کا اظہار کیا۔
حکومتی عہدیدار ادیت اگروال کا کہنا تھا کہ آگ لگنے کی وجہ شارٹ سرکٹ ہوسکتی ہے۔
ان کا کہنا تھا کہ آئی سی یو میں موجود 3 مریض موقع پر ہی دم توڑ گئے تھے جبکہ دیگر دو طبی امداد کے لیے ہسپتال منتقلی کے دوران جان بر نہ ہوسکے۔
انہوں نے بتایا کہ آئی سی یومیں داخل دو مریض محفوظ رہے۔
تبصرے (0) بند ہیں