• KHI: Fajr 4:14am Sunrise 5:43am
  • LHR: Fajr 3:18am Sunrise 4:58am
  • ISB: Fajr 3:14am Sunrise 4:57am
  • KHI: Fajr 4:14am Sunrise 5:43am
  • LHR: Fajr 3:18am Sunrise 4:58am
  • ISB: Fajr 3:14am Sunrise 4:57am

آسٹریلیا پانچویں ٹی ٹوئنٹی میں بھی ناکام، بنگلہ دیش کی سیریز میں 1-4 سے فتح

شائع August 9, 2021
بنگلہ دیش نے سیریز 1-4 سے جیت لی—فوٹو: آئی سی سی ٹوئٹر
بنگلہ دیش نے سیریز 1-4 سے جیت لی—فوٹو: آئی سی سی ٹوئٹر

بنگلہ دیش نے شکیب الحسن اور سیف الدین کی شان دار باؤلنگ کی بدولت آسٹریلیا کے خلاف سیریز کے آخری اور پانچویں ٹی ٹوئنٹی میں صرف 120 رنز کا دفاع کرتے ہوئے نہ صرف میچ میں کامیابی حاصل کرلی بلکہ سیریز بھی 1-4 سے اپنے نام کرلی۔

ڈھاکا میں کھیلے گئے سیریز کے آخری ٹی ٹوئنٹی میں میزبان بنگلہ دیش کے کپتان محموداللہ نے ٹاس جیت کر پہلے خود بیٹنگ کرنے کا فیصلہ کیا لیکن بلے باز خاطر خوا کارکردگی دکھانے میں ناکام رہے۔

مزید پڑھیں: آسٹریلیا کو پہلی دفعہ بنگلہ دیش کے ہاتھوں سیریز میں شکست

مہدی حسن اور محمد نعیم نے بنگلہ دیش کو 42 رنز کا بہترین آغاز ضرور کیا لیکن ٹرنر نے مہدی حسن کی 13 رنز کی اننگز کا خاتمہ کردیا۔

ٹیم کی جانب سے سب سے زیادہ رنز بنانے والے محمد نعیم بھی 57 کے اسکور پر پویلین لوٹے، ان کے 23 رنز میں ایک چوکا اور ایک چھکا شامل تھا۔

شکیب الحسن 11 رنز بنا کر 60 کے مجموعے پر آؤٹ ہوئے، سومیا سرکار کی اننگز بھی 16 رنز تک محدود رہی تاہم کپتان محمود اللہ نے 14 گیندوں پر 19 رنز بنائے لیکن جب 84 کے اسکور پر بنگلہ دیش کی 4 وکٹیں گر چکی تھیں۔

بنگلہ دیش کی ٹیم مقررہ 20 اوورز میں 8 وکٹوں پر 122 رنز بنا سکی اور مہمان ٹیم کو جیت کے لیے ایک آسان ہدف دےدیا۔

آسٹریلیا کے ناتھن ایلیس اور ڈین کرسٹیان نے 2،2 وکٹیں حاصل کیں۔

آسان ہدف کے تعاقب میں آسٹریلیا کی پہلی وکٹ 3 رنز پر گری، جس کے بعد بلے بازوں کا آنا جانا لگا رہا تاہم کپتان میتھیوویڈ 22 رنز بنا سکے۔

آسٹریلیا کی جانب سے سب سے زیادہ رنز بنانے والے دوسرے بلے باز بین مک ڈیرموٹ تھے، جنہوں نے ایک چھکے کی مدد سے 17 رنز بنائے۔

یہ بھی پڑھیں: کشمیر پریمیئر لیگ کے پہلے ایڈیشن کا رنگارنگ افتتاح

شکیب الحسن کے سامنے سیریز میں بدترین کارکردگی کا مظاہرہ کرنے والی مہمان ٹیم کے دیگر بلے باز دوہرے ہندسے کو بھی عبور نہیں کرپائے بلکہ مچل مارش اور ایڈم زیمپا 4،4 رنز بنا سکے جو دیگر بلے بازوں میں سب سے زیادہ رنز تھے۔

آسٹریلیا کی پوری ٹیم شکیب الحسن اور محمد سیف الدین کی نپی تلی باؤلنگ کے سامنے ریت کی دیوار ثابت ہوئی اور صرف 62 رنز پر ڈھیر ہو کر میچ 60 رنز سے ہار گئی۔

شکیب الحسن نے سب سے زیادہ 4 اور سیف الدین نے 3 وکٹیں حاصل کیں، ناسم احمد کے حصے میں دو اور ایک وکٹ محموداللہ کو ملی۔

شان دار باؤلنگ پر مایہ ناز آل راؤنڈر شکیب الحسن کو میچ کا بہترین کھلاڑی قرار دیا گیا۔

بنگلہ دیش نے اس فتح کے ساتھ ہی آسٹریلیا کی مضبوط ٹیم کو 5 میچوں کی سیریز میں یک طرفہ طور پر 1-4 کے بڑے مارجن سے شکست دے دی۔

شکیب الحسن نے سیریز کے بہترین کھلاڑی کا ایوارڈ بھی حاصل کرلیا۔

بنگلہ دیش کے تجربہ کار آل راؤنڈر ٹی ٹوئنٹی کرکٹ میں ایک ہزار رنز اور 100 وکٹیں لینے والے پہلے کھلاڑی بھی بن گئے ہیں۔

کارٹون

کارٹون : 17 جون 2024
کارٹون : 16 جون 2024