• KHI: Zuhr 12:29pm Asr 5:11pm
  • LHR: Zuhr 12:00pm Asr 4:53pm
  • ISB: Zuhr 12:05pm Asr 5:02pm
  • KHI: Zuhr 12:29pm Asr 5:11pm
  • LHR: Zuhr 12:00pm Asr 4:53pm
  • ISB: Zuhr 12:05pm Asr 5:02pm

واٹس ایپ کا نیا فیچر جو وائس ریکارڈنگ کو زیادہ آسان بنادے گا

شائع March 3, 2022
یہ نیا فیچر آنے والے مہینوں میں دستیاب ہوگا — شٹر اسٹاک فوٹو
یہ نیا فیچر آنے والے مہینوں میں دستیاب ہوگا — شٹر اسٹاک فوٹو

واٹس ایپ دنیا کی مقبول ترین مسیجنگ اپلیکشن ہے جس کے صارفین کی تعداد 2 ارب سے زائد ہے۔

یہی وجہ ہے کہ واٹس ایپ کی جانب سے مسلسل نت نئے فیچرز پر کام ہوتا رہتا ہے تاکہ اس کے صارفین کسی اور میسجنگ ایپ کا رخ نہ کریں۔

اگر آپ واٹس ایپ استعمال کرتے ہیں تو یقیناً وائس نوٹ کے فیچر کو بھی استعمال کرتے ہیں جس کو اب کمپنی کی جانب سے مزید آسان اور بہتر بنایا جارہا ہے۔

وائس نوٹ سے آپ کو ایک آڈیو پیغام فوری بھیجنے میں مدد ملتی ہے مگر ریکارڈنگ میں کوئی غلطی کردی ہے تو پھر سے اسے ریکارڈ کرنا پڑتا ہے۔

م،گر اب یہ بدلنے والا ہے اور واٹس ایپ کی جانب سے ایک نئے فیچر پر کام کیا جارہا ہے جو صارفین کو وائس نوٹ کی ریکارڈنگ روکنے (pause) اور پھر پلے کرنے کی سہولت فراہم کرے گا۔

اس طرح صارف کو اگر کچھ ریکارڈ کرنے کے بعد غلطی کا احساس ہوا تو دوبارہ سے مکمل ریکارڈنگ کی ضرورت نہیں ہوگی۔

میسجنگ ایپ کی اپ ڈیٹس پر نظر رکھنے والی سائٹ WABetaInfo کے مطابق اینڈرائیڈ کے لیے ایپ کے بیٹا ورژن میں وائس ریکارڈنگ کے لیے پوز ریزیوم بٹن کا اضافہ کیا گیا ہے۔

فوٹو بشکریہ WABetaInfo
فوٹو بشکریہ WABetaInfo

واٹس ایپ میں ابھی وائس ریکارڈنگ کے بعد اسے سننے کی سہولت تو موجود ہے مگر اسے روکنے کی سہولت اب تک موجود نہیں تھی۔

جیسا اوپر درج کیا جاچکا ہے کہ یہ فیچر ابھی بیٹا ورژن میں ہے تو تمام صارفین تک اس کی رسائی میں کچھ وقت لگ سکتا ہے۔

ویسے یہ فیچر آئی او ایس (اگر آپ ریکارڈنگ لاک کردیں تو) اور ڈیسک ٹاپ ورژن میں دستیاب ہے اور اب جاکر اینڈرائیڈ میں اس کی آزمائش کی جارہی ہے۔

کارٹون

کارٹون : 27 مئی 2024
کارٹون : 26 مئی 2024