وی لاگر سعد الرحمن المعروف ڈکی بھائی نے شریک حیات کا انتخاب کرلیا ہے۔

انسٹاگرام پر ایک پوسٹ میں انہوں نے بتایا 'اپنی زندگی کے پیار عروب جتوئی سے منگنی/نکاح ہوگیا ہے'۔

پوسٹ میں جوڑے کی تصویر بھی موجود تھی جو نکاح کی تقریب کے موقع پر لی گئی تھی۔

عروب جتوئی نے بھی اپنے انسٹاگرام اکاؤنٹ پر اس موقع کی تصاویر شیئر کیں جس میں سے ایک تصویر میں سعد الرحمن عروب کو انگوٹھی پہنا رہے ہیں۔

ڈکی بھائی کے مداحوں نے پوسٹ کے کمنٹس میں 'ڈکی بھابی' کا خیرمقدم کیا۔

ڈکی بھائی کے ساتھ کام کرنے والے دیگر یوٹیوبر زید علی ٹی، شاہ ویر جعفری اور یو خانو بھی اس تقریب میں شریک ہوئے۔

زید علی نے انسٹاگرام میں ایک پوسٹ میں لکھا 'انگیج منٹ مبارک ڈکی'۔

شاہ ویر جعفری نے اس موقع کی ایک تصویر انسٹاگرام اسٹوری پر پوسٹ کرتے ہوئے اپنی خوشی کا اظہار کیا۔

یوخانو نے ڈکی بھائی کی دوستوں کے ساتھ ایک تصویر کو شیئر کیا۔

اور ہاں سعد الرحمن نے بھی اس تقریب سے ایک دن قبل ایک یویوب ویڈیو میں زندگی کے اس یادگار تجربے کے بارے میں بتایا تھا۔

اس ویڈیو میں انہوں نے بتایا تھا کہ یہ منگنی اور نکاح دونوں کی تقریب ہے۔

خیال رہے کہ ڈکی بھائی کے یوٹیوب پیج کے 30 لاکھ سے زیادہ سبسکرائبر ہیں اور وہ اپنے گیمنگ چینل ڈکی ایکسٹرا کے لیے بھی جانے جاتے ہیں جس کے 10 لاکھ سے زیادہ سبسکرائبرز ہیں۔

ویسے ڈکی بھائی اکثر تنازعات کی زد میں بھی رہتے ہیں جیسے اگست 2020 میں ایک خاتون سے ٹوئٹر پر ان کی بحث، مگر پھر بھی اپنے مداحوں کے پسندیدہ وی لاگر ہیں۔

انہوں نے نومبر 2021 میں پیسا ٹیوبر آف دی ایئر ایوارڈ بھی اپنے نام کیا تھا۔