صحت غذ١ کاروبار موبائل فون‎حیرت انگیز غزہ المیہ

ملک میں اس بار جہاں چار عیدوں کے بعد سینماؤں میں چار فلموں کو ریلیز کیا گیا ہے، وہیں گھروں تک محدود رہنے والے افراد کے لیے بھی ٹی وی چینلز نے متعدد ٹیلی فلمیں بنائی ہیں۔

عید الفطر کے تینوں دن ملک کے بڑے ٹی وی چینلز پر یومیہ تقریبا ایک ٹیلی فلم ضرور نشر کی جائے گی، تاہم بعض ٹی وی چینلز پر یومیہ تین تین ٹیلی فلمیں بھی دکھائی جائیں گی۔

پاکستان میں ٹیلی فلموں کی مقبولیت بے حد زیادہ ہے اور انہیں عام طور پر خواتین زیادہ پسند کرتی ہیں، چوں کہ انہیں عید کے دنوں میں گھروں میں رہتے ہوئے تفریح کی ضرورت پڑتی ہے۔

اس بار عید الفطر پر کم از کم ایک درجن ٹیلی فلمیں ریلیز ہوں گی، جن میں سے بیشتر فلموں کی تفصیل درج ذیل ہے، مذکورہ نئی ٹیلی فلموں کے علاوہ ٹی وی چینلز پر پرانی فلمیں بھی دکھائی جائیں گی جب کہ بعض ٹی وی چینلز فیچر فلمیں بھی نشر کریں گے۔