بلوچستان: نصیر آباد میں 53 ملزمان گرفتار
20 فروری 2023
پولیس حکام نے بلوچستان کے ضلع نصیرآباد ڈویژن میں متعدد چھاپوں اور اسنیپ چیکنگ کے دوران 53 افراد کو گرفتار کر لیا اور ان کے قبضے سے غیر قانونی اسلحہ اور گولہ بارود برآمد کیا ہے۔
ڈان اخبار کی رپورٹ کے مطابق پولیس نے بتایا کہ گرفتار افراد میں اشتہاری مجرم، ہائی ویز پر ڈکیتی کرنے والے، موٹر سائیکل چھیننے والے، قتل، اقدام قتل کے ملزمان اور دیگر جرائم میں مبینہ طور پر ملوث افراد شامل ہیں۔
سینئر پولیس افسر گلاب خان شیخ نے بتایا کہ جن افراد کو گرفتار کیا گیا ہے، ان میں خادم ڈومکی، محمد رمضان، راشد دھرپالی، محمد علی رند سمیت دیگر افراد شامل ہیں، جو قتل، اقدام قتل، موٹر سائیکل چھیننے، منشیات کے کاروبار میں ملوث تھے۔
تبصرے (0) بند ہیں