پشاور: نامعلوم ملزمان کی فائرنگ سے 4 خواجہ سرا زخمی
اپ ڈیٹ 08 جنوری 2024
پشاور کے تھانہ فقیرآباد کی حدود میں نامعلوم ملزمان کی فائرنگ سے 4 خواجہ سرا زخمی ہوگئے۔
ڈان نیوز کے مطابق سپرنٹنڈنٹ پولیس (ایس پی) فقیر آباد اسامہ امین چیمہ نے کہا کہ تھانہ فقیر آباد کی حدود میں اقبال پلازہ کے قریب نامعلوم موٹر سائیکل سواروں نے فائرنگ کی ہے۔
انہوں نے کہا کہ فائرنگ سے 4 خواجہ سرا زخمی ہوئے جن کو ابتدائی طبی امداد کے لیے خاطر ہسپتال منتقل کردیا گیا، جن کی حالت خطرے سے باہر بتائی جارہی ہے۔
ایس پی فقیر آباد اسامہ امین چیمہ نے دیگر افسران کے ہمراہ موقع پر پہنچ کر جائے وقوع کا معائنہ بھی کیا۔
ان کا کہنا تھا کہ واقعے کی مختلف پہلوؤں سے تفتیش شروع کردی گئی ہے اور اس میں ملوث ملزمان کا سراغ لگا کر انہیں جلد از جلد گرفتار کیا جائے گا۔
تبصرے (0) بند ہیں