نیوزی لینڈ کے خلاف کل شروع ہونے والی ٹی 20 سیریز کے لیے پاکستان کرکٹ ٹیم نے آکلینڈ میں پریکٹس کی۔

نیوزی لینڈ کے شہر آکلینڈ میں موجود قومی ٹیم کے تمام کھلاڑیوں نے پریکٹس سیشن میں حصہ لیا، پریکٹس سیشن کے دوران کھلاڑیوں بیٹنگ، باؤلنگ اور فیلڈنگ کی مشقیں کی۔

پاکستان اور نیوزی لینڈ کے درمیان پہلا ٹی ٹوئنٹی کل آکلینڈ میں کھیلا جائے گا۔

واضح رہے کہ دونوں ٹیموں کے درمیان ہونے والی ٹی 20 سیریز کے لیے ٹرافی کی رونمائی کردی گئی ہے، ٹرافی کی رونمائی میں قومی ٹیم کے کپتان شاہین آفریدی اور نیوزی لینڈ کے کپتان کین ولیمسن شریک ہوئے۔

نیوزی لینڈ کے خلاف ٹی ٹوئنٹی سیریز کے لیے پاکستان تھنک ٹینک نے نیا پلان بنالیا، ذرائع کے مطابق اوپننگ جوڑی کو تبدیل کیے جانے کا امکان ہے، رضوان اور صائم اوپننگ کریں گے، بابر اعظم نمبر تین، فخر زمان نمبر چار، اعظم خان پانچ اور افتخار احمد نمبر چھٹے پر کھیلیں گے۔

پاکستان اور نیوزی لینڈ کے درمیان ٹی ٹوئنٹی میچز کے اعداد و شمار پر نظر ڈالیں تو دونوں ٹیمیں اب تک 34 میچز کھیل چکی ہیں، 20 میں پاکستان فاتح رہا جبکہ 13 نیوزی لینڈ نے جیتے، ایک میچ غیر نتیجہ رہا۔

بابر اعظم، صائم ایوب، محمد رضوان، عامر جمال، شاہین آفریدی اور وسیم جونئیر آسٹریلیاسے نیوزی لینڈ پہنچے ہیں، اسکواڈ میں شامل دیگر کھلاڑی پاکستان سے روانگی کے بعد نیوزی کے خلاف سیریز میں ایکشن میں نظر آئیں گے۔

پاک-نیوزی لینڈ مکمل شیڈول:

پہلا ٹی ٹوئنٹی میچ - 12 جنوری 2024 ایڈن پارک، آکلینڈ میں

دوسرا ٹی ٹوئنٹی میچ - 14 جنوری 2024 سیڈن پارک، ہیملٹن میں

تیسرا ٹی ٹوئنٹی میچ - 17 جنوری 2024 یونیورسٹی اوول، ڈنیڈن میں

چوتھا ٹی ٹوئنٹی میچ - 19 جنوری 2024 ہیگلے اوول، کرائسٹ چرچ میں

پانچواں ٹی ٹوئنٹی میچ - 21 جنوری 2024 ہیگلے اوول کرائسٹ چرچ میں

نیوزی لینڈ اسکواڈ:

کین ولیمسن، ڈیون کونوے، فن ایلن، ٹم سیفرٹ، ڈیرل مچل، گلین فلپس، مارک چیپ مین، جوش کلارکسن، مچل سینٹنر، میٹ ہنری، ایش سودھی، ٹم ساؤتھی، لوکی فرگوسن، ایڈم ملنے، بین سیئرز

پاکستان اسکواڈ:

شاہین شاہ آفریدی (کپتان)، عامر جمال، عباس آفریدی، اعظم خان، بابر اعظم، فخر زمان، حارث رؤف، حسیب اللہ، افتخار احمد، محمد نواز، محمد رضوان ، محمد وسیم جونیئر، صاحبزادہ فرحان، صائم ایوب، اسامہ میر اور زمان خان