سینئر صحافی نذیر ناجی انتقال کر گئے

21 فروری 2024
نذیر ناجی کی عمر 81 برس تھی — فائل فوٹو
نذیر ناجی کی عمر 81 برس تھی — فائل فوٹو

نامور صحافی، تجزیہ نگار و کالم نویس نذیر ناجی علالت کے بعد 81 برس کی عمر میں انتقال کر گئے۔

ڈان نیوز کے مطابق نذیر ناجی لاہور کے نجی ہسپتال میں زیر علاج تھے۔

نذیر ناجی کو صحافتی خدمات کے اعتراف میں ’ہلال امتیاز‘ سے بھی نوازا گیا تھا۔

نگران وزیر اعلیٰ پنجاب محسن نقوی نے نذیر ناجی کے انتقال پر دکھ اور افسوس کا اظہار کرتے ہوئے کہا کہ مرحوم کی شعبہ صحافت کے لیے خدمات کو تادیر یاد رکھا جائے گا۔

انہوں نے سوگوار خاندان سے دلی ہمدردی و اظہار تعزیت کرتے ہوئے کہا کہ نذیر ناجی مرحوم کی صحافتی خدمات کو خراج عقیدت پیش کرتے ہیں۔

تبصرے (0) بند ہیں